تۇركيانىڭ انتاليا قالاسىندا WKF كاراتەدەن ەرەسەكتەر اراسىنداعى Karate1 Premier League - Antalya 2024 ءتۋرنيرى اياقتالدى. ۆەدومستۆوعا قاراستى سپورتتى دامىتۋ ديرەكتسياسى ءمالىم ەتكەندەي, الەمدىك رەيتينگىدە ءار سالماق بويىنشا ۇزدىك 32 سپورتشى عانا باق سىنايتىن اۋقىمدى جارىسقا 60 ەلدەن 400-گە جۋىق تاتامي شەبەرى جينالعان. قازاقستاننان 14 كاراتەشى قاتىسىپ, ەكى التىن, ءۇش قولا جۇلدە جەڭىپ الدى, دەپ حابارلايدى Egemen.kz.
كۋميتە باعدارلاماسىندا ءمولدىر جاڭبىرباي (50 كگ) جانە بەللا ساماشەۆا (55 كگ) التىننان القا تاقتى.
ال اتالعان تۋرنيردە قولا جۇلدەگەر بولعاندار: ازيا ويىندارى چەمپيونى نۇرقانات اجىقانوۆ, وسىعان دەيىن ازيا ويىندارىنىڭ قولا جۇلدەگەرى, ازيا چەمپيونى اسەل قاناي, توكيو وليمپياداسىندا ولجا سالعان سوفيا بەرۋلتسەۆا.
«سپورتشىعا تۇعىرعا شىعىپ, قولىن جۇرەگىنىڭ تۇسىنا قويىپ, ءوز ەلىنىڭ ءانۇرانىن ورىنداۋ – ۇلكەن باقىت. سول سەزىمدى سوزبەن ايتىپ جەتكىزۋ مۇمكىن ەمەس. مەنى قولداعان ءاربىر جانعا العىس بىلدىرەمىن! العا, قازاقستان!», دەدى ءمولدىر جاڭبىرباي.