اتىراۋدا ءوتىپ جاتقان ۇلتتىق قۇرىلتايدىڭ ءۇشىنشى وتىرىسىندا «قىز الىپ قاشۋ» ماسەلەسى كوتەرىلىپ, بۇل ارەكەت ۇلتتىق داستۇرگە جاتپايىتىنى ايتىلدى, دەپ حابارلايدى Egemen.kz.
«ەلىمىزدە قىز الىپ قاشۋدى ۇلتتىق ءداستۇر ساناپ, ەل ىشىندە دارىپتەگىسى كەلەتىندەر بار. بۇل – مۇلدەم اقتاۋعا بولمايتىن زاڭسىزدىق, قاراڭعىلىق, ءتىپتى, ماسقارا تىرلىك. وركەنيەتتى قوعامدا ءار ازاماتتىڭ ابىرويى, قۇقىعى جانە بوستاندىعى باعا جەتپەس قۇندىلىق بولۋى كەرەك. سوندىقتان مۇنداي اقىلعا سىيمايتىن ارەكەتتەردى قاتاڭ سىنعا الۋ جەتكىلىكسىز. وعان قۇقىقتىق باعا بەرىلىپ, ءبىرجولا توسقاۋىل قويىلۋعا ءتيىس», دەدى پرەزيدەنت قاسىم-جومارت توقاەۆ.
ءسوز بارىسىندا مەملەكەت باسشىسى اتا جولىن ساقتاۋ ماقساتىندا عاسىرلار بويى بابالارىمىز ۇستانعان اسىل ءدىنىمىزدى ساقتاۋعا شاقىردى.
ء«داستۇردىڭ وزىعى بار, توزىعى بار». اتا جولىن ساقتايمىز دەسەك, عاسىرلار بويى بابالارىمىز ۇستانعان اسىل ءدىنىمىزدى ساقتايىق. ءداستۇرلى يسلام – حالقىمىزدىڭ ۇلتتىق بىرەگەيلىگىن تانىتاتىن باستى قۇندىلىقتىڭ ءبىرى. ءبىز ونى بەرىك ۇستانۋ ارقىلى ەكسترەميزمگە جانە كەرتارتپالىققا قارسى تۇرا الامىز. جۇرتىمىزدىڭ وزىنە عانا ءتان ەرەكشەلىگى بار. ءبىز وسى مادەني كودىمىزدى ساقتاپ, بابالار جولىمەن ءجۇرۋىمىز كەرەك», دەپ قاداپ ايتتى پرەزيدەنت.