مادەنيەتتانۋشى اسىلبەك بايتان ۇلى زايىرلى قوعامنىڭ قىزى تۇرمىس قۇراردا ءماھىردى سۇراماۋ كەرەگىن ايتتى, دەپ حابارلايدى Egemen.kz.
ونىڭ سوزىنشە, بۇل – زايىرلى قازاق قوعامىنا جات دۇنيە.
- ءماھىر – قۇران-كارىمدە مىندەتتى تۇردە بەرىلۋى ءتيىس دۇنيە رەتىندە قاراستىرىلعان. ياعني "نيسا" سۇرەسىنىڭ 4-اياتىندا: "ايەلدەردىڭ ماھرلەرىن ىقىلاسپەن بەرىڭدەر. ەگەر ايەلدەر ءوز ەرىكتەرىمەن سەندەرگە ءماھردىڭ ءبىر بولىگىن بەرسە, ودان ءسىڭىمدى تۇردە جەڭدەر", - دەلىنگەن. بىراق بۇگىنگى زايىرلى قوعامىمىزدا قالىڭدىقتىڭ بولاشاق جارىنان ءماھىر سۇراۋىنىڭ قاجەتى جوق دەپ بىلەمىن. جالپى, مۇسىلماندارعا جاعدايى كەلىپ جاتسا ءتورت ايەل الۋعا رۇقسات ەتىلگەن. ەرتەدە تۇرمىسقا شىققان قىزدىڭ كوپ ايەلدىڭ ءبىرى بولاتىن تاعدىر جولىندا ونىڭ ماتەريالدىق جاعىنان قۇقىعىن قامتاماسىز ەتۋى قاجەت بولاتىن جاعدايلار تۋىنداپ وتىرعان. تۇسىنىكتىرەك ايتساق, كوپ جاعدايدا وتە از نەمەسە مۇلدە كومپەنساتسياسىز قالۋى مۇمكىن. اجىراسسا, بالالارى مەن دۇنيە-مۇلكىنىڭ كوپ بولىگى اكەسىمەن بىرگە كەتەدى. مىنە, ءماھىر – وسىنداي جاعدايلاردىڭ الدىن الۋ كەپىلى رەتىندە قاراستىرىلعان, - دەدى بايتان ۇلى Massaget.kz تىلشىسىنە.
مادەنيەتتانۋشى زايىرلى قوعامنىڭ قىزى تۇرمىسقا شىققان كەزدە ءماھىر سۇراماۋعا ءتيىس دەپ بىلەدى.
- ءوز باسىم جاقىن تۋىستارىما, ءسوزىمدى تىڭدايتىن تانىستارىما: ء"ماھىر سۇراماڭدار, سۇراتپاڭدار", - دەيمىن. زايىرلى قوعامدا ءماھىر سۇراۋ دۇرىس ەمەس, ويتكەنى ەلىمىزدە پارلامەنتتە تالقىلانىپ, سەناتتا قارالىپ, پرەزيدەنت بەكىتكەن "قر نەكە جانە وتباسى» تۋرالى زاڭ بار. بۇل زاڭ بويىنشا, مەملەكەت وكىلىنىڭ قاتىسۋىمەن نەكە قيىلىپ, قول قويىلعاننان كەيىن, ەكى تاراپتىڭ بۇكىل مۇلكى, كولىگى, ماتەريالدىق قۇندىلىقتارى ورتاق بولىپ سانالادى. ياعني, ەكى جاقتا م ۇلىككە ورتاق دەگەن ءسوز. ال, ەكى جاستىڭ نەكەسى قيىلىپ, ونىڭ ۇستىنەن ءماھىر سۇرالسا, بۇل – ارتىق دۇنيە-م ۇلىك تالاپ ەتۋ دەگەن ءسوز. قالتاعا اۋىرلىق تۇسىرمەيتىن ارزانىراق سىرعا-جۇزىكپەن قاناعانتتانباي, ارانى اشىلىپ, ارسىزدانعان كەيبىر قىزداردىڭ پاتەر, اۆتوكولىككە دەيىن سۇراپ جاتۋى – زاڭدىق ساۋاتتىلىعى جوقتىعى ءارى كورگەنسىزدىگى. ماھىرلىك ءداستۇردى ۇستاناتىن مەملەكەتتەر بار, بىراق بۇگىنگى تاڭدا دامىعان اراب مەملەكەتتەرى زايىرلىق قوعامنىڭ زاڭنامالارىنا كىرىپ جاتىر. سوندىقتان ءماھىر قازاق قوعامىنا جات دۇنيە, - دەيدى مادەنيەتتانۋشى.