سەناتتىڭ الەۋمەتتىك-مادەني دامۋ جانە عىلىم كوميتەتى دەپۋتاتتارى تاراپىنان «قازاقستاننىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ كەڭەيتىلگەن وتىرىستا تالقىلاندى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
قۇجات حالىقتىڭ ساپالى مەديتسينالىق كومەككە قول جەتكىزۋدى جاقسارتۋعا, پاتسيەنت قۇقىقتارىن قورعاۋدى كۇشەيتۋگە, سونداي-اق مەديتسينا قىزمەتكەرىنىڭ بەدەلىن ارتتىرۋعا كومەكتەسەدى. زاڭ مەديتسينا قىزمەتكەرىنىڭ كاسىبي جاۋاپكەرشىلىگىن ساقتاندىرۋ جۇيەسىن ەنگىزۋگە, مەديتسينا جانە فارماتسەۆتيكا قىزمەتكەرلەرىنە الەۋمەتتىك كەپىلدىك بەلگىلەۋگە, مەديتسينا ماماندىعىنىڭ مارتەبەسىن جانە تارتىمدىلىعىن ارتتىرۋعا باعىتتالعان.
سەناتورلاردىڭ ايتۋىنشا, زاڭنىڭ قابىلدانۋى مەديتسينا قىزمەتكەرىنە كاسىبي قاۋىپتەردى ازايتۋعا, مەديتسينالىق قىزمەت الۋ كەزىندە ازاماتتار قۇقىقتارىن قورعاۋ, سونداي-اق مەديتسينالىق كومەك كورسەتۋ ساپاسىن ارتتىرۋعا ىقپال ەتەتىن بولادى.
سەناتتىڭ اتالعان كوميتەت مۇشەلەرى تالقىلاۋ قورىتىندىسى بويىنشا زاڭدى پالاتا وتىرىسىندا قاراۋعا جىبەرۋ تۋرالى شەشىم قابىلدادى.