سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى كەڭەيتىلگەن وتىرىستا قازاقستان مەن تۇركيانىڭ حالىقارالىق قۇرامدى جۇك تاسىمالىنداعى ىنتىماقتاستىق تۋرالى زاڭدى تالقىلادى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
قۇجات ءارتۇرلى كولىك تۇرلەرىن پايدالانا وتىرىپ حالىقارالىق جۇك تاسىمالىن جەڭىلدەتۋگە, سونداي-اق ەكى ەل اراسىنداعى ترانزيت-كولىك الەۋەتى مەن ساۋدا-ەكونوميكالىق قاتىناستاردى دامىتۋعا باعىتتالعان.
زاڭعا سايكەس تاراپ مەملەكەتىنىڭ اۋماعىنا كىرۋ نەمەسە شىعۋ كەزىندە جۇكتەردى, سونداي-اق تاسىمالداناتىن تاۋارلاردى قۇراما تاسىمالداۋدى ورىندايتىن كولىك قۇرالدارى, جەكە جانە زاڭدى تۇلعالار مەملەكەتتەردىڭ زاڭناماسىنا سايكەس باقىلاۋدان وتەتىن بولادى.
كەلىسىمنىڭ ورىندالۋىنا قاتىستى بارلىق ماسەلەلەردى رەتتەۋ ماقساتىندا مەملەكەتتىك لاۋازىمدى ادامداردان, سونداي-اق قۇرامداس تاسىمال سەكتورىنىڭ وكىلدەرىنەن تۇراتىن بىرلەسكەن كوميتەت قۇرىلادى.
سەناتورلار وتىرىس قورىتىندىسى بويىنشا «قازاقستان رەسپۋبليكاسىنىڭ ۇكىمەتى مەن تۇركيا رەسپۋبليكاسىنىڭ ۇكىمەتى اراسىنداعى حالىقارالىق قۇرامداستىرىلعان جۇك تاسىمالدارى تۋرالى كەلىسىمدى راتيفيكاتسيالاۋ تۋرالى» زاڭدى پالاتانىڭ قاراۋىنا جىبەرۋ تۋرالى شەشىم قابىلدادى.