سەمەي قالاسىندا قارجاۋباي ۇلى كوشەسىندەگى رەتتەلمەگەن جاياۋ جۇرگىنشىلەر وتكەلىندە 31 جاستاعى جاياۋ جۇرگىنشىنى قاعىپ كەتىپ, ءىزىن سۋىتقان جۇرگىزۋشى ۇستالدى. وقيعا سالدارىنان ءتۇرلى جاراقات العان جەرگىلىكتى تۇرعىن اۋرۋحاناعا جەتكىزىلدى, دەپ جازادى Egemen.kz.
پوليتسيا قىزمەتكەرلەرى وقيعا ورنىنان كولىك كورپۋسىنىڭ سىنىقتارىن تاۋىپ, سول ارقىلى قاشىپ كەتكەن 20 جاستاعى وبلىس ورتالىعى تۇرعىنىنىڭ Toyota Estima كولىگىن انىقتاعان.
«جۇرگىزۋشى جول-كولىك وقيعاسى بولعان جەردەن قاشىپ كەتكەنى ءۇشىن جاۋاپقا تارتىلدى. اۆتوكولىك سول كۇنى ارنايى اۆتوتۇراققا قويىلدى. دەنە جاراقاتىن الۋ فاكتىسى بويىنشا سوت-مەديتسينالىق ساراپتاما جۇرگىزىلەدى. فاكت ەرەكشە باقىلاۋعا الىندى», دەدى اباي وبلىسى پد باستىعى بەكتورە سۇلتان.