ەلدىڭ باسىم بولىگىندە كۇن سۋىپ, ەكپىندى جەل سوعادى

ماماندار ۇسىنعان اقپاراتقا سايكەس, ەرتەڭ, 12 ناۋرىزدا استانادا تۇمان تۇسەدى.

باتىس قازاقستان وبلىسىنىڭ شىعىسىندا كوكتايعاق بولادى. وبلىستىڭ سولتۇستىگىندە, شىعىسىندا تۇمان تۇسەدى.

قىزىلوردا وبلىسىنىڭ ورتالىعىندا, وڭتۇستىگىندە, كۇندىز وبلىستىڭ سولتۇستىگىندە كوكتايعاق بولادى. جەل وڭتۇستىك-باتىستان, باتىستان سوعادى, كۇندىز كۇشى سەكۋندىنا 15-20 مەترگە جەتەدى.

تۇركىستان وبلىسىنىڭ وڭتۇستىگىندە, تاۋلى جانە تاۋ بوكتەرلى اۋداندارىندا نوسەر جاۋىپ, نايزاعاي وينايدى. سولتۇستىك-باتىستان جەل سوعادى, نايزاعاي كەزىندە ەكپىنى سەكۋندىنا 15-20 مەترگە جەتەدى.

شىمكەنتتە دە نوسەر جاۋىپ, نايزاعاي وينايدى. سولتۇستىك-باتىستان جەل سوعادى, ەكپىنى 15-20 مەترگە جەتەدى.

الماتى وبلىسىنىڭ وڭتۇستىگىندە, تاۋلى اۋداندارىندا تۇمان تۇسەدى.

اباي وبلىسىنىڭ باتىسىندا, سولتۇستىگىندە جاۋىن-شاشىن (جاڭبىر, قار), كوكتايعاق بولادى. تۇندە جانە تاڭەرتەڭ وبلىستىڭ سولتۇستىگىندە, شىعىسىندا تۇمان تۇسەدى. جەل وڭتۇستىك-شىعىستان, وڭتۇستىكتەن سوعادى, كۇندىز وبلىستىڭ ورتالىعىندا, وڭتۇستىك-باتىسىندا ەكپىنى سەكۋندىنا 23 مەترگە دەيىن جەتەدى.

كۇندىز شىعىس قازاقستان وبلىسىنىڭ سولتۇستىگىندە, شىعىسىندا جاۋىن-شاشىن (جاڭبىر, قار), كوكتايعاق بولادى. تۇندە جانە تاڭەرتەڭ وبلىستىڭ سولتۇستىگىندە, وڭتۇستىگىندە تۇمان تۇسەدى. جەل وڭتۇستىك-شىعىستان سوعادى, كۇندىز وبلىستىڭ سولتۇستىگىندە, شىعىسىندا ەكپىنى 15-20 م/س دەيىن جەتەدى.

اقمولا وبلىسىنىڭ باتىسىندا, سولتۇستىگىندە, وڭتۇستىك-شىعىسىندا جاياۋ بۇرقاسىن جۇرەدى. تۇندە جانە تاڭەرتەڭ وبلىستىڭ باتىسىندا, وڭتۇستىك-شىعىسىندا تۇمان بولادى.

قوستاناي وبلىسىندا قار جاۋىپ, وڭتۇستىگىندە جاياۋ بۇرقاسىن جۇرەدى. وبلىستىڭ سولتۇستىگىندە, شىعىسىندا تۇمان تۇسەدى. وڭتۇستىك-باتىستان جەل سوعادى, كۇندىز وبلىستىڭ وڭتۇستىگىندە ەكپىنى 15 مەترگە جەتەدى.

پاۆلودار وبلىسىندا قار جاۋادى, وبلىستىڭ وڭتۇستىگىندە, شىعىسىندا جاياۋ بۇرقاسىن, كوكتايعاق بولادى. تۇندە جانە تاڭەرتەڭ تۇمان بولادى. سولتۇستىكتەن جەل سوعادى, كۇندىز وبلىستىڭ وڭتۇستىگىندە, شىعىسىندا ەكپىنى سەكۋندىنا 15-20 مەترگە دەيىن جەتەدى.

اقتوبە وبلىسىنىڭ باتىسىندا, سولتۇستىگىندە, ورتالىعىندا جاياۋ بۇرقاسىن جۇرەدى, وڭتۇستىكتەن, وڭتۇستىك-باتىستان جەل سوعادى, وبلىستىڭ باتىسىندا, سولتۇستىگىندە, ورتالىعىندا ەكپىنى 15-20 م/س بولادى.

بولجامعا سايكەس, جەتىسۋ وبلىسىنىڭ سولتۇستىك-باتىسىندا, تاۋلى اۋداندارىندا تۇمان بولادى. وڭتۇستىك-باتىستان جەل سوعادى, الاكول كولدەرى اۋدانىندا سوعاتىن جەلدىڭ ەكپىنى 25 مەترگە جەتەدى.