اقمولا وبلىسىنىڭ اقكول اۋدانىنا قاراستى كەڭەس اۋىلىنىڭ 5-سىنىپ وقۋشىسى البينا ايدارحانوۆا جەتەكشىسىمەن بىرگە قازاق دالاسىنىڭ حوش ءيىسى ساقتالعان ءاتىر شىعاردى. وقۋشىنى «جۋساندا تۋعان جەردىڭ ءيىسى بار» دەگەن قاناتتى ءسوز (سۇلتان بەيبارىس تۋرالى اڭىزداعى) شابىتتاندىرعان ەكەن, دەپ جازادى Egemen.kz.
وقۋ-اعارتۋ مينيسترلىگى ءباسپاسوز قىزمەتىنىڭ مالىمەتىنشە وقۋشى نەگىزگى ءونىم رەتىندە – تۋعان ولكەنىڭ جۋسانىن قولدانعان.
ء«بىز ءۇي جاعدايىندا ءاتىر جاساۋ تاسىلدەرىن زەرتتەدىك. العان بىلىمدەرىمىزدى پراكتيكادا قولدانۋ بارىسىندا جۋساننىڭ سان ءتۇرىن انىقتادىق. ەگەر ءاتىردىڭ نەگىزگى نوتاسى رەتىندە گۇلدەر قولدانىلسا, ءبىز ونىڭ ورنىنا قاراپايىم جۋساندى تاڭدادىق. سەبەبى ونىڭ تۇنباسى تابەتتى جاقسارتادى, اسقازان-ىشەك جولدارىنىڭ قىزمەتىن نىعايتادى, جۇيكە جۇيەسىن تىنىشتاندىرادى, ءتۇرلى شانشۋ مەن قۇرىسۋلاردى, اۋىرسىنۋدى باسادى, ءتىپتى تىنىش ۇيقىعا سەپتىگىن تيگىزەدى», دەيدى جوبا جەتەكشىسى, باستاۋىش سىنىپ مۇعالىمى جۇپار احمەتوۆا.
ايتا كەتسەك, حوش ءيىستى ءاتىر «ەلىم-اي» دەپ اتالادى ەكەن. جاس ونەرتاپقىشتىڭ ايتۋىنشا, ءاتىردىڭ اتاۋى ەلىمىزدىڭ مادەنيەتىنە دەگەن سۇيىسپەنشىلىكپەن بايلانىستى. ول جۋىردا وتكەن عىلىمي جوبالار بايقاۋىندا ءوز جۇمىسىن قورعاپ, «حيميا, بيولوگيا» سەكتسياسىندا جۇلدەلى 3-ورىن الدى.