قىزىلوردا وبلىسىنىڭ جاڭاقورعان اۋدانىندا تۇراتىن, جەلىدە تانىمال بەلسەندى ساندۋعاش تۇرلىبەكوۆانىڭ ۇستالۋىنا قاتىستى پوليتسيا مالىمەت تاراتتى, دەپ حابارلايدى Egemen.kz.
بەلسەندىلىگىمەن قاتار, كوپبالالى انا رەتىندە دە بەلگىلى ايەلدىڭ ۇستالۋى جەلى قولدانۋشىلارىنىڭ تۇسىنىسپەۋشىلىگىن تۋدىرعان بولاتىن. وسىعان وراي قىزىلوردا وبلىسى پوليتسيا دەپارتامەنتى قىلمىستىق ءىس قوزعالعانىن, قازىر تەرگەپ-تەكسەرۋ ارەكەتتەرى ءجۇرىپ جاتقانىن ءمالىم ەتتى.
«28 اقپان جانە 6 ناۋرىز كۇندەرى قىزىلوردا وبلىسىنىڭ پوليتسيا دەپارتامەنتىنە وبلىستىڭ ەكى تۇرعىنى جۇگىندى. ولار وسى ازاماتشانى قىلمىستىق جاۋاپكەرشىلىككە تارتۋ جونىندە ارىزدانعان. تۇرلىبەكوۆا بوپسالاۋ ارقىلى جانە ار-نامىس پەن قادىر-قاسيەتكە نۇقسان كەلتىرەتىن مالىمەتتەردى تاراتامىن دەپ قورقىتىپ, جابىرلەنۋشىلەردەن ءىرى كولەمدە اقشا تالاپ ەتكەن. بۇل دەرەك بويىنشا قىلمىستىق ءىس قوزعالدى. تۇرلىبەكوۆا اۋىر قىلمىس جاسادى دەگەن كۇدىككە ءىلىنىپ وتىر. بۇدان بولەك تاعى بىرنەشە بوپسالاۋ فاكتىلەرى انىقتالدى. پروتسەسكە قاتىسۋشىلاردىڭ جاۋابىن بۇرمالاۋعا ىقپال ەتىپ, تەرگەۋدىڭ جان-جاقتى جۇرگىزىلۋىنە كەدەرگى كەلتىرۋى مۇمكىن. وسىعان بايلانىستى تەرگەۋ سوتى ونى كۇزەتپەن ۇستاۋ شاراسىن سانكتسيالادى. ۇستاۋ زاڭ شەڭبەرىندە جۇرگىزىلدى. ارنايى قۇرالدار مەن جاۋىنگەرلىك ادىستەر قولدانىلعان جوق. كۇدىكتى ۋاقىتشا ۇستاۋ يزولياتورىنا قامالدى. تەرگەۋ مۇددەسى ءۇشىن وزگە اقپارات جاريا ەتىلمەيدى», — دەپ جازدى جاڭاقورعان اۋداندىق پوليتسيا بولىمىنەن.