شىمكەنت, سەمەي جانە پۋتين: ەلىمىزدە بالالارعا قويىلعان ەرەكشە ەسىمدەر ايتىلدى

استانادا مۇنداي ەسىمدى تاعى 5 ادام, قاراعاندى ​​وبلىسىندا 4 ادام بار. سونىمەن قاتار قازاقستان ەسىمدى 3 ادام قوستاناي وبلىسىندا, 2 ادام ماڭعىستاۋ وبلىسىندا, 2 ادام شىمكەنت قالاسىندا, 1 ادام باتىس قازاقستان وبلىسىندا تۇرادى.

سونداي-اق ەلىمىزدە قازاقستاننىڭ قالا اتتارىمەن اتالعان ازاماتتار دا بار. ماسەلەن, 24 استانا, 20 الماتى جانە 3 شىمكەنت ەسىمدى تۇرعىن بار. ال سەمەي ەسىمدى 27 ادام, اتىراۋ ەسىمدى 15, تۇركىستان ەسىمدى 15, تاراز ەسىمدى 14, اقتاۋ ەسىمدى 10, اقتوبە ەسىمدى 1, تالدىقورعان ەسىمدى 1 ادام تىركەلگەن.

اتا-انالار سونداي-اق بالالارىنا ساياسي قايراتكەرلەردىڭ دە اتىن قويۋدى داستۇرگە اينالدىرىپ كەلەدى. ماسەلەن, قازاقستان رەسپۋبليكاسىندا 12 قاسىم-جومارت, 1 پۋتين, 1 ترامپ جانە 8 بايدەن ەسىمدى تۇرعىن بار. 

بيىلعى جىلدىڭ قاڭتار ايىندا قازاقستاندا مەدينا مەن ءاليحان ەڭ تانىمال ەسىمدەر بولدى. ستاتيستيكاعا سۇيەنسەك, بۇل ايدا 517 مەدينا, 313 ءاليحان دۇنيەگە كەلگەن.  

قىزداردىڭ ەسىمدەرى بويىنشا ۇزدىك بەستىككە اسىلىم (468 ادام), ايشا (436 ادام), ايلين (387 ادام) جانە توميريس (318 ادام) كىردى.

ۇل بالالار ەسىمدەرىنىڭ ىشىندە ەڭ تانىمال بەستىككە مۇحاممەد (305 ادام), ايسۇلتان (238 ادام), مۇحامماد (231 ادام) جانە الديار (219 ادام) كىردى.