دەپۋتات قازاقستاندا جاڭا كوميتەت قۇرۋدى ۇسىندى

گاۋھار تاناشەۆا قازاقستاننىڭ دەموگرافياسىنا الاڭداۋشىلىق ءبىلدىرىپ, بىرقاتار ماسەلە كوتەردى.

ء«بىر جىل ىشىندە قازاقستان حالقىنىڭ سانى نەبارى ءتورت ميلليونعا وسسە, كورشى وزبەكستان حالقى 15 ميلليونعا ءوستى. قازاقستاندا حالىق سانى از, تىعىزدىق تومەن. الەمدە تەك 184-ورىندامىز, 100 گەكتار جەرگە تەك 7 ادام كەلەدى», دەدى ءماجىلىس دەپۋتاتى.

دەپۋتات اتاپ وتكەندەي, ەلدەگى دەموگرافيالىق ماسەلە حالىقتىڭ تابيعي ءوسىمى مەن ميگراتسيعا كەلىپ تىرەلەدى. ونىڭ پىكىرىنشە, تابيعي ءوسۋدى قامتاماسىز ەتۋ ءۇشىن ەڭ الدىمەن وتباسىلارعا قولداۋ كورسەتكەن ابزال.

«قازاقستاندا وتباسى ينستيتۋتىمەن اينالىساتىن بىردەن-ءبىر مەملەكەتتىك ورگان – مادەنيەت جانە اقپارات مينيسترلىگىنە قاراستى جاستار جانە وتباسى ىستەرى كوميتەتى. كوميتەتتىڭ وتباسى ساياساتى بولىمىندە نەبارى 4 ادام جۇمىس ىستەيدى, ال ايماقتاردا كوميتەت وكىلدەرى مۇلدە جوق. وزبەكستانداعى دەموگرافيالىق ءوسىمنىڭ وڭ ديناميكاسىن نازارعا الا وتىرىپ, ءوز ەلىمىزدە وتباسى, ايەلدەر, بالالار جانە دەموگرافيالىق ساياسات جونىندەگى مەملەكەتتىك كوميتەت قۇرۋ تاجىريبەسىن قابىلداۋدى ۇسىنامىز», دەدى دەپۋتات.

گاۋھار تاناشەۆانىڭ ويىنشا, جاڭا كوميتەت قۇرىلعان جاعدايدا انا مەن بالا قۇقىقتارى ءتيىمدى قورعالىپ, قازاق وتباسىلارىنىڭ تۇرمىس جاعدايى جاقسارۋى مۇمكىن.