اتىراۋ وبلىسى قۇرمانعازى اۋدانىندا بىرنەشە كۇننەن بەرى قامىس ورتەنىپ جاتىر. 2 ناۋرىزدا تۇتانعان وت مىڭ گەكتار جەردى شارپىپ ۇلگەرگەن, دەپ جازادى Egemen.kz.
ءتىلسىز جاۋمەن كۇرەسكە تىكۇشاق تارتىلدى. جانىپ جاتقان جەردىڭ باتپاقتى بولۋى, سونداي-اق ءورت وشاعىنا اپارار جولدىڭ جوقتىعى جۇمىستى قيىنداتىپ جاتىر.
«اڭشىلار نەمەسە بالىقشىلار تاماعىن ءپىسىرىپ, ورنىن وشىرمەي كەتەدى. قابان جانە باسقا دا اڭداردى ۇركىتۋ ءۇشىن قامىستى ورتەۋى مۇمكىن», دەدى وبلىستىق تجد توتەنشە جاعدايلاردى جويۋ باسقارماسىنىڭ باستىعى جانتورە دەمەشوۆ.
جالىن نەدەن تۇتانعانى ازىرگە بەلگىسىز. قازىر اۋماقتا 40 شاقتى ادام مەن 10 تەحنيكا جۇمىس ىستەپ جاتىر. ەلدى مەكەندەرگە قاۋىپ ءتونىپ جاتقان جوق.