ۇكىمەتتىڭ «قازاقستان رەسپۋبليكاسىنىڭ اۋماعىندا ۋاقىتتى ەسەپتەۋ ءتارتىبى تۋرالى» قاۋلىسىنا سايكەس 2024 جىلعى 1 ناۋرىز ساعات 00:00-دەن باستاپ ەلدىڭ بۇكىل اۋماعىندا بىرىڭعاي ساعاتتىق بەلدەۋ بەلگىلەندى (UTC+5), دەپ حابارلايدى Egemen.kz.
استانا, الماتى, شىمكەنت قالالارىنىڭ, اقمولا, الماتى, جامبىل, قاراعاندى, قوستاناي, پاۆلودار, سولتۇستىك قازاقستان, تۇركىستان, شىعىس قازاقستان وبلىستارىنىڭ جانە اباي, جەتىسۋ, ۇلىتاۋ وبلىستارىنىڭ اكىمدىكتەرى 2024 جىلعى 29 اقپاننان باستاپ 2024 جىلعى 1 ناۋرىزعا قاراعان ءتۇنى (ساعات 00:00-دە) جەرگىلىكتى ۋاقىتتى 1 ساعات كەيىنگە شەگەردى.
ەسكە سالايىق, قازاقستاندا ۋاقىتتى ەسەپتەۋ ماسەلەلەرى بويىنشا جۇمىس توبىنا كىرگەن وتاندىق عالىمدار مەن ساراپشىلار بىرىڭعاي ۋاقىت بەلدەۋىنە كوشۋدى ۇسىنعان ەدى.