1 ناۋرىز – العىس ايتۋ كۇنىنە وراي «قازاقستان» تەلەراديوكورپوراتسياسىنىڭ قازاق راديوسى ءداستۇرلى «مىڭ العىس» شاراسىن وتكىزدى, دەپ حابارلايدى Egemen.kz.
بيىلعى شارانىڭ باستى كەيىپكەرلەرىنىڭ ءبىرى – قازاقستانعا تۋعان اناسىن ىزدەپ كەلگەن جانىبەك ساۆەلەۆ. وتكەن جىلدىڭ جەلتوقسانىندا ەلگە كەلىپ, قازاق راديوسىنىڭ «بارمىسىڭ, باۋىرىم؟» حابارى ارقىلى اناسىن ىزدەگەن جانىبەككە قاتىستى جۇرگىزىلگەن زەرتتۋ جۇمىستارى ناتيجەسىندە 2001-2002 جىلدارى ارقالىقتا دۇنيەگە كەلگەن 4 بالانىڭ تۋعان اناسى تابىلدى.
ال جانىبەكتىڭ ءوز اناسىنا قاتىستى ىزدەۋ جۇمىستارى ءالى جالعاسۋدا. شارادا جانىبەك تۋعان حالقىنا العىسىن جەتكىزدى.
- تۋعان انامدى ىزدەۋ وسىنشالىقتى قيىن بولادى دەپ ويلاعان جوقپىن. مەن قازاقستانعا كەلگەن كەزدە بىردەن انامدى تاۋىپ الىپ, ونىمەن كەزدەسەمىن دەپ جوسپارلادىم. انامدى ىزدەۋىم ارقىلى مەنەن بولەك 4 بالانىڭ تۋعان انالارى تابىلعانىنا وتە قۋانىشتىمىن. بۇل مەن ءۇشىن موتيۆاتسيا, انامدى ىزدەۋدى توقتاتپايمىن. قازاق جۇرتىنا, تۋعان حالقىما مەنىمەن بىرگە بولعاندارى ءۇشىن ۇلكەن راقمەتىمدى ايتامىن! - دەدى جانىبەك ساۆەلەۆ.