وتكەن ايدا وبلىس اۋماعىندا 34 ينتەرنەت-الاياقتىق دەرەگى تىركەلدى. الاياقتىقتىڭ نەگىزگى ءتۇرى «ولح», «Instagram» ينتەرنەت-سايتتارىندا ونلاين-ساتىپ الۋلار, «بانك قىزمەتكەرلەرىنەن» قوڭىراۋلار, جەكە دەرەكتەردى يەمدەنۋ جانە نەسيە راسىمدەۋ ارقىلى بولعان.
جاسالعان الاياقتىق ناتيجەسىندە ءوڭىر تۇرعىندارىنا كەلتىرىلگەن زالال كولەمى 25 ملن تەڭگەدەن استى.
– الاياقتىقتى انىقتاۋ – كوپ ەڭبەكتى قاجەت ەتەتىن جۇمىس, ويتكەنى قىلمىسكەرلەر كۇن سايىن الداۋدىڭ بارلىق جاڭا تاسىلدەرىن ويلاپ تاۋىپ, جاساعان زاڭسىز ارەكەتتەرىنىڭ ىزدەرىن جاسىرۋدا. وسىعان بايلانىستى الاياقتىقپەن كۇرەسۋدىڭ ەڭ ءتيىمدى جولى ونى الدىن الۋ مەن حالىقتى ەسكەرتۋ بولىپ تابىلادى. وسىعان وراي, 15 ءىرى سۋپەرماركەتتە, 26 باعىتتاعى 187 اۆتوبۋستا, ورتالىق ارباتتا ورناتىلعان داۋىستى زورايتقىش قۇرىلعىلار ارقىلى تۇرعىندارعا ساق بولۋ, ەشبىر جاعدايدا جانە ەشقانداي سىلتاۋمەن جەكە باسىن كۋالاندىراتىن دەرەكتەرى مەن بانك كارتالارىنىڭ مالىمەتتەرىن بەلگىسىز تۇلعالارعا بەرمەۋ تۋرالى اقپارات جەتكىزىلۋدە, – دەپ اتاپ ءوتتى جەتىسۋ وبلىسى پد باستىعى س.قۇساينوۆ.
وسىعان وراي تۇرعىندار اراسىندا ينتەرنەت-الاياقتىقتىڭ الدىن الۋعا باعىتتالعان ءىس-شارالار تۇراقتى تۇردە وتكىزىلىپ جاتىر. ازاماتتارعا بارىنشا ىقپال ەتۋ ءۇشىن بارلىق اسەر ەتۋ قۇرالدارى قولدانىلۋدا.