الماتىداعى بالاباقشالاردىڭ بىرىندە تاربيەلەنۋشى سوققىعا جىعىلدى. بەينەباقىلاۋ كامەراسىنا تۇسىرىلگەن كادرلارعا قاراعاندا, كىشكەنتاي ءبۇلدىرشىندى ءوزى سياقتى بالالار توپەلەگەن, دەپ حابارلايدى Egemen.kz.
جەلىدە بالالار ءوزىنىڭ توپتاسىن اياۋسىز ۇرىپ-سوعىپ جاتقانى بەينەلەنگەن ۆيدەو تارادى. زارداپ شەككەن بالانىڭ اتا-اناسى وقيعا 21 اقپاندا بولعانىن ايتتى.
بالالار تاربيەشىلەردىڭ قاراۋىنسىز قالعان ساتتە توپتاسىن ۇرا باستادى. ال تاربيەشى ءوز كىناسىن مويىنداماي, بالانىڭ ءوزى قۇلاپ قالعانىن جەتكىزگەن.
قازىر ءبۇلدىرشىن اۋرۋحانادا جاتىر, دارىگەرلەر وعان ميدىڭ شايقالۋى دەگەن دياگنوز قويدى.
قالالىق ءبىلىم باسقارماسىنىڭ وكىلدەرى تاربيەشىگە قاتىستى قاتاڭ سوگىس جاريالانعانىن العا تارتتى.