الماتى قالاسى پروكۋراتۋراسىنىڭ ۇيلەستىرۋىمەن وسى جىلدىڭ 15 قاڭتارى مەن 15 اقپانى ارالىعىندا «ىزدەۋ» جەدەل-الدىن-الۋ ءىس-شاراسى وتكىزىلىپ, ىزدەۋدە جۇرگەن 84 قىلمىسكەر ۇستالدى, دەپ جازادى Egemen.kz.
«8 اقپاندا الماتى وبلىسى باقاناس اۋىلىندا بوستاندىق اۋدانى بويىنشا قىتاي مەن سينگاپۋر ازاماتتارىنا قاراقشىلىق جاساعانى ءۇشىن ىزدەۋدە بولعان كۇدىكتى قولعا ءتۇستى. سونداي-اق ولىمگە اكەلىپ سوققان ادام دەنساۋلىعىنا قاساقانا اۋىر زيان كەلتىرگەنى ءۇشىن 2010 جىلدان بەرى ىزدەۋدەگى ادام ۇستالدى.
سونىمەن قاتار مەگاپوليستەن باسقا وڭىرلەردە ىزدەستىرىلىپ جاتقان 22 قىلمىسكەر قولعا تۇسسە, 17 حابار-وشارسىز كەتكەن ازامات انىقتالعان», دەپ جازىلعان اقپاراتتا.