ۇكىمەت قاۋلىسىمەن جومارت شياپ ۇلى اليەۆ ەكولوگيا جانە تابيعي رەسۋرستار ۆيتسە-ءمينيسترى بولىپ تاعايىندالدى. بۇل تۋرالى ۇكىمەتتىڭ ءباسپاسوز قىزمەتى حابارلادى, دەپ جازادى Egemen.kz.
جومارت اليەۆ 1969 جىلى اقمولا وبلىسىندا دۇنيەگە كەلگەن.
ۆ.ي. لەنين اتىنداعى قازاق پوليتەحنيكالىق ينستيتۋتىن, ا. مىرزاحمەتوۆ اتىنداعى كوكشەتاۋ ۋنيۆەرسيتەتىن بىتىرگەن.
ەڭبەك جولىن 1985 جىلى كوكشەتاۋ وبلىسى كراسنويار سوۆحوزىندا مەحانيزاتور بولىپ باستاعان.
1993-1999 جىلدارى — «ۆاسيلكوۆسكي» تاۋ-كەن بايىتۋ كومبيناتى كەنىنىڭ اشىق تاۋلى جۇمىستار ۋچاسكەسىنىڭ شەبەرى.
1999-2002 جىلدارى — تابيعي رەسۋرستار جانە قورشاعان ورتانى قورعاۋ مينيسترلىگى گەولوگيا جانە جەر قويناۋىن قورعاۋ كوميتەتىنىڭ مەتالدار جانە كومىرسۋتەك شيكىزاتى بولىمدەرىنىڭ باس مامانى.
2002-2005 جىلدارى — «ورتالىققازجەرقايناۋى» اۋماقتىق باسقارماسىنىڭ وڭىرلىك جەر قويناۋىن قورعاۋ جانە پايدالانۋ ينسپەكتسياسىنىڭ باستىعى.
2005-20010 جىلدارى قورشاعان ورتانى قورعاۋ مينيسترلىگىنىڭ قۇرىلىمىندا ءارتۇرلى قىزمەتتەردى اتقاردى.
2010-2012 جىلدارى — مۇناي جانە گاز مينيسترلىگى مۇناي-گاز كەشەنىندەگى مەملەكەتتىك ينسپەكتسيالاۋ كوميتەتى مەملەكەتتىك باقىلاۋ جانە رۇقسات بەرۋ باسقارماسىنىڭ ساراپشىسى; باس ساراپشىسى.
2012-2014 جىلدارى — قورشاعان ورتانى قورعاۋ مينيسترلىگى ەكولوگيالىق رەتتەۋ جانە باقىلاۋ كوميتەتى توراعاسىنىڭ ورىنباسارى.
2014-2017 جىلدارى ەنەرگەتيكا مينيسترلىگىندە باسشىلىق قىزمەتتەردە بولدى.
2017-2022 جىلدارى «قازاقستاندا ەنەرگيا تيىمدىلىگىن ارتتىرۋ» جوباسى اياسىندا «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى (قازاقەنەرگياساراپتاما)» اق-مەن كەلىسىمشارت بويىنشا جۇمىس ىستەدى.
2023 جىلى — ەكولوگيا جانە تابيعي رەسۋرستار ءمينيسترىنىڭ كەڭەسشىسى.
2023-2024 جىلدارى — قر ەترم ەكولوگيالىق رەتتەۋ جانە باقىلاۋ كوميتەتىنىڭ توراعاسى.
2024 جىلعى اقپان ايىنان باستاپ — ەكولوگيا جانە تابيعي رەسۋرستار ۆيتسە-ءمينيسترى.
بۇرىن وسى ورىندا بولعان بەكماعامبەتوۆ دوسبول بوتاش ۇلى قىزمەتىنەن بوساتىلدى.