حالىقتىڭ ىستىق ىقىلاسىنا بولەنگەن انشىلەردىڭ ءبىرى جۇبانىش جەكسەن ۇلى “جارقىن جۇزدەسۋ” باعدارلاماسىنا قوناق بولىپ, تۇڭعىش رەت وتباسى جايىندا اڭگىمەلەدى, دەپ حابارلايدى Egemen.kz.
ونەر يەسى ەكى ۇلىنان ەكى نەمەرە ءسۇيىپ وتىرعانىن, ەكەۋىنە دە ءاننىڭ اتىن قويعانىن جەتكىزدى.
- ەسىمدەرىن ءلايلىم جانە گاككۋ دەپ قويدىق. ءلايلىم – ابىلقايىردىڭ قىزى. گاككۋ – ءجانادىلدىڭ قىزى. ەكەۋىنە دە ءاننىڭ اتىن قويدىق. انگە بەيىمى وسە كەلە بەلگىلى بولادى عوي. ءبىز بالانى تاربيەلەگەندە "مىناداي بولاسىڭ" دەمەدىك. تەك قولىمىزدان كەلگەنشە قولداۋ كورسەتەمىز. بالالارىم الدىمەن, مامان بولادى. قانداي كاسىپتى يگەرسە دە, كاسىبي تۇرعىدا مەڭگەرۋىن تالاپ ەتتىك, – دەيدى ءانشى.
باعدارلاماعا ونىڭ ۇلكەن ۇلى دا قاتىستى. ول ەسترادا ءانشىسىنىڭ ۇيدە قانداي اكە ەكەنىن اڭگىمەلەپ بەردى.
- اكەمىز كىشكەنتاي كەزىمىزدە عانا ەركەلەتتى. نەگىزى, اكە دەگەن قاتال بولۋى كەرەك. بۇل كىسى - وتە تالاپشىل, مەيىرىمدى, اقكوڭىل. انام دا كەرەمەت جان. ۇنەمى ءبىز قاتىساتىن تۇسىرىلىمدەرگە كەلىپ, قولداۋ بىلدىرەدى. ءتىپتى, مەن كىشكەنتاي كۇنىمدە كۋميرىمدى كورۋ ءۇشىن امەريكاعا باردىم. وسى كىسىلەر قولداپ, ارمانىمدى ورىندادى, – دەپ اعىنان جارىلدى جاس ءانشى.