مەملەكەت باسشىسى سەربيا پرەزيدەنتىمەن تەلەفون ارقىلى سويلەستى. سەربيا تاراپىنىڭ باستاماسىمەن وتكەن اڭگىمەلەسۋ بارىسىندا ساياسي جانە ساۋدا-ەكونوميكالىق ىنتىماقتاستىقتىڭ قازىرگى جاي-كۇيى مەن دامۋ پەرسپەكتيۆالارى تالقىلاندى, دەپ حابارلايدى اقوردا ءباسپاسوز قىزمەتىنە سىلتەمە جاساپ.
تاراپتار ىسكەرلىك بايلانىستاردى نىعايتۋعا, سونداي-اق ونەركاسىپ, اۋىل شارۋاشىلىعى, كولىك جانە لوگيستيكا سالالارىنداعى بىرلەسكەن ينۆەستيتسيالىق جوبالاردى جۇزەگە اسىرۋعا ءوزارا مۇددەلى ەكەنىن ايتتى.
سونىمەن قاتار ەكى ەل باسشىلارى ورنىقتى دامۋدى قامتاماسىز ەتۋگە, جاھاندىق بەيبىتشىلىك پەن قاۋىپسىزدىكتى ىلگەرىلەتۋگە قاتىستى سىندارلى ديالوگتى جالعاستىرۋعا دايىن ەكەنىن راستاي وتىرىپ, حالىقارالىق كۇن تارتىبىندەگى بىرقاتار وزەكتى ماسەلە جونىندە پىكىر الماستى.
سەربيا پرەزيدەنتى الەكساندر ۆۋچيچ مەملەكەت باسشىسى قاسىم-جومارت توقاەۆتى بەلگرادقا ساپارمەن كەلۋگە شاقىردى.