قازاقستان سينوپتيكتەرى سارسەنبى, 21 اقپانعا ارنالعان اۋا رايى بولجانىم ۇسىندى. ماماندار ەل ازاماتتارىنا قاتتى اياز, بۇرقاسىن, تۇمان بولاتىنىن ەسكەرتتى, دەپ جازادى Egemen.kz.
«قازگيدرومەت» ماماندارى ۇسىنعان بولجامعا سايكەس, ەلدىڭ باسىم بولىگىندە جاۋىن-شاشىنسىز ايازدى اۋا رايى ساقتالادى.
تەك قازاقستاننىڭ باتىسىندا, وڭتۇستىگىندە, وڭتۇستىك-شىعىسىندا اتموسفەرالىق فرونتالدى بولىكتەردىڭ ءوتۋى اسەرىنەن قار جاۋى مۇمكىن.
«وڭتۇستىكتە, وڭتۇستىك-شىعىستا, ورتالىقتا جەل كۇشەيەدى, باتىستا, وڭتۇستىكتە, وڭتۇستىك-شىعىستا جەل سوعادى. ەل بويىنشا تۇمان تۇسەدى», دەلىنگەن اقپاراتتا.
ال قاراعاندى وبلىسىنىڭ تۇرعىندارى ءالى دە جىلى كيىنگەندەرى ابزال, سەبەبى وڭىردە -35°س-قا دەيىن قاتتى اياز كۇتىلەدى, وبلىستىڭ شىعىسىندا تەرمومەتر باعامى -40°س ايازعا دەيىن جەتەدى.
جەتىسۋ وبلىسىندا -30-35°س, اباي اۋدانىندا -40°س, شىعىس قازاقستان وبلىسىنىڭ سولتۇستىگى مەن شىعىسىندا -45°س وتە قاتتى اياز بولادى.