روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمى «گۇلدەر» ءانسامبلىنىڭ ءارتىسى اققانات سماعۇلوۆا 2024 جىلدىڭ 20 اقپانىندا گەرمانيادا وتكەن «TANZOLYMP» بەدەلدى حالىقارالىق حورەوگرافيالىق بايقاۋىنىڭ التىن مەدالىنە يە بولدى, دەپ حابارلايدى Egemen.kz مادەنيەت جانە اقپارات مينيسترلىگىنىڭ ءباسپاسوز قىزمەتىنە سىلتەمە جاساپ.
ونەر دوداسىندا اققانات انۆارا سادىقوۆا قويعان «اققۋ» جانە المات شامشيەۆ قويعان «ەركە بالا» اتتى ەكى بي ءنومىرىن ۇسىندى. ⠀
800-دەن استام ونەرپاز باق سىناعان بايقاۋدا 34 قاتىسۋشى ىرىكتەۋدەن ءوتىپ, گالا-كونتسەرتتە ونەر كورسەتتى. ايتا كەتۋ كەرەك, اققانات - گالا-كونتسەرتتە «حالىق ءبيى» نوميناتسياسى بويىنشا ونەر كورسەتۋگە مۇمكىندىك العان جالعىز ونەرپاز. ⠀
«TANZOLYMP» فەستيۆال-بايقاۋى جىل سايىن وتكىزىلەتىن بەدەلدى حورەوگرافيالىق بايقاۋلاردىڭ ءبىرى. بايقاۋ باعدارلاماسىن مادەنيەت جانە ونەر قايراتكەرلەرى مەن كاسىبي بي وقىتۋشىلارى باعالايدى.