قازاقستان پرەزيدەنتى اكىمشىلىگىنىڭ كەلىسىمىمەن, قىزىلوردا وبلىسى اكىمىنىڭ وكىمىمەن ارداق تەمىرحان ۇلى زەبەشەۆ وبلىس اكىمىنىڭ ورىنباسارى لاۋازىمىنا تاعايىندالدى, دەپ حابارلايدى Egemen.kz اتالعان اكىمدىكتىڭ رەسمي سايتىنا سىلتەمە جاساپ.
ارداق تەمىرحان ۇلى 1981 جىلى شىمكەنت قالاسىندا دۇنيەگە كەلگەن. م.اۋەزوۆ اتىنداعى وڭتۇستىك قازاقستان ۋنيۆەرسيتەتىن «حالىقارالىق قاتىناستار», قازتۇتىنۋوداعى قاراعاندى ۋنيۆەرسيتەتىن «ەكونوميكا» ماماندىقتارى بويىنشا تامامداعان. «بولاشاق» باعدارلاماسىنىڭ تۇلەگى. لوندون كورولدىك كوللەدجى مەن انگليا بيزنەس مەكتەبىن اياقتاپ, مەملەكەتتىك ساياسات جانە قىزمەتتەردى باسقارۋ, ىسكەرلىك اكىمشىلەندىرۋ سالاسىنىڭ ماگيسترى اتانعان.
ەڭبەك جولىن 2003 جىلى شىمكەنت قالاسىنىڭ ەڭبەك جانە الەۋمەتتىك قورعاۋ باسقارماسىنىڭ باس مامانى بولىپ باستاپ, ءار جىلدارى اۋىل شارۋاشىلىعى مينيسترلىگىنىڭ سىرتقى بايلانىستار جانە ينۆەستيتسيالار باسقارماسىنىڭ جاۋاپتى لاۋازىمدارىندا جۇمىس ىستەگەن.
2006-2010 جىلدارى قازاقستان رەسپۋبليكاسىنىڭ وزبەكستان رەسپۋبليكاسىنداعى ەلشىلىگىنىڭ ءۇشىنشى حاتشىسى, سىرتقى ىستەر مينيسترلىگىنىڭ مەملەكەتتىك پروتوكول قىزمەتىنىڭ ءۇشىنشى جانە ەكىنشى حاتشىسى بولعان.
2010-2019 جىلدارى قر پرەمەر-ءمينيسترى كەڭسەسىنىڭ سىرتقى بايلانىستار جانە پروتوكول ءبولىمىنىڭ باس ساراپشىسى, سەكتور مەڭگەرۋشىسى, «سامۇرىق-قازىنا ينۆەست» جشس حالىقارالىق قاتىناستار دەپارتامەنتىنىڭ ديرەكتورى, «سامۇرىق-قازىنا» ۇلتتىق ءال-اۋقات قورى» باسقارما توراعاسى حاتشىلىعىنىڭ باسشىسى, قر پرەمەر-ءمينيسترى ورىنباسارىنىڭ كەڭەسشىسى قىزمەتتەرىن ابىرويمەن اتقارعان.
2019-2021 جىلدارى سىرتقى ىستەر مينيسترلىگى ينۆەستيتسيا كوميتەتىنىڭ ينۆەستيتسيالىق جوبالاردى سۇيەمەلدەۋ جانە ىسكە اسىرۋ باسقارماسىنىڭ باسشىسى, كوميتەت توراعاسىنىڭ ورىنباسارى لاۋازىمدارىندا ناتيجەلى قىزمەت كورسەتكەن.
2021 جىلدىڭ قىركۇيەك ايىنان وسى كەزگە دەيىن سىرتقى ىستەر مينيسترلىگى ينۆەستيتسيا كوميتەتىنىڭ توراعاسى قىزمەتىن اتقارعان.