بۇگىننەن, ياعني 19 اقپاننان باستاپ «مايقايىڭالتىن» كەن بايىتۋ فابريكاسى جۇمىسىن توقتاتتى. بۇعان قورداعى التىن رۋداسىنىڭ تاۋسىلعانى سەبەپ بولدى, دەپ حابارلايدى Egemen.kz Qazaqstan.tv-گە سىلتەمە جاساپ.
ال الداعى التى جىلعا دايىندالعان 1 ملن توننادان استام شيكىزات جەردىڭ استىندا جاتىر. ازىرگە ونى شىعارۋعا رۇقسات جوق. سەبەبى, قاڭتاردىڭ 3-نەن 4-نە قاراعان تۇنگى اپاتتان سوڭ, شاحتالاردا جۇمىس ىستەۋگە تىيىم سالىنعان ەدى.
«كەنشىلەر 1,5 ايدان بەرى جاپپاي ەڭبەك دەمالىسىندا. ەندى ولارعا فابريكا ىشىندەگى ماماندار قوسىلدى. جۇمىسسىز قالعانداردىڭ جالپى سانى – 1100 ادام. ولاردىڭ ارى قارايعى تاعدىرى نە بولارى وسى 1-2 كۇندە شەشىلەدى», دەدى كاسىپورىننىڭ باس ديرەكتورىنىڭ كەڭەسشىسى ورىنجان قابدولوۆ.
ەسكە سالا كەتەيىك, جىل باسىندا فابريكا اۋماعىندا توپىراقتىڭ وپىرىلۋىنان پايدا بولعان شۇڭقىرعا 4 ادامى بار اۆتوبۋس قۇلاعان ەدى. ەكى قۇتقارۋشىنىڭ دەنەسى سىرتقا شىعارىلدى. تاعى ەكى ادام ءالى ىزدەستىرىلىپ جاتىر.