الماتىداعى «قازاقستان» شيپاجايى مەملەكەت مەنشىگىنە قايتارىلدى

2013 جىلى «قازاقستان» شيپاجايىنىڭ ديرەكتورى نىساننىڭ بارلىق مۇلكىن كەپىلگە قويىپ, تابىستىلىعىن جاساندى تۇردە ارتتىرىپ, عيماراتتاردى جوندەۋگە 2,6 ميلليارد تەڭگە نەسيە العان. شيپاجايدىڭ ديرەكتورى مەن باسقا دا تۇلعالار 2021 جىلى 700 ميلليون تەڭگەدەن استام قارجى جىمقىرعانى ءۇشىن ارقايسىسى باس بوستاندىعىنان ايىرىلدى.

«نەسيە بەرۋ كەزىندە بانك شيپاجايدىڭ تولەم قابىلەتتىلىگىنە تالداۋ جاساماعانى انىقتالدى. 2022 جىلى سوت 3 ملرد تەڭگە ءوندىرىپ الدى. الماتى پروكۋراتۋراسىنىڭ اپەللياتسيالىق شاعىمى نەگىزىندە شەشىم شىعارىلدى. ءبىرىنشى ساتىداعى سوتتىڭ قۇرامى وزگەرتىلىپ, بۇل سوما 1,8 ملرد تەڭگەگە دەيىن قىسقارتىلدى», دەلىنگەن حابارلامادا.

12 جەلتوقسانداعى الماتى قالالىق ءىىم شەشىمىمەن پروكۋروردىڭ تالاپ ارىزى قاناعاتتاندىرىلدى. وسىلايشا, پروكۋراتۋرانىڭ شارالارىمەن قۇنى 7 ميلليارد تەڭگەدەن اساتىن مەملەكەتتىك شيپاجاي زاڭسىز كەپىلدەن شىعارىلىپ, ونىڭ قارىزى 1,2 ميلليارد تەڭگەگە قىسقارتىلدى.