19 اقپان كۇنى ەل وڭىرلەرىندە تەمپەراتۋرا تومەندەپ, اياز كۇشەيەدى. قازاقستاننىڭ شىعىسىندا كورسەتكىش - 45 گرادۋسقا دەيىن تۇسەدى. وڭىرلەردە اياز قىسىپ, قاتتى جەل سوعادى. وسىعان بايلانىستى سينوپتيكتەر ەسكەرتۋ جاريالادى, دەپ جازادى Egemen.kz.
ەرتەڭ شىعىس قازاقستان وبلىسىنىڭ سولتۇستىگى مەن شىعىسىندا -45°س-قا دەيىن وتە قاتتى ايازبەن قاتار بوران بولىپ, قار جاۋادى, جەل 15-18 م/س كۇشەيەدى.
قاراعاندى وبلىسىنىڭ وڭتۇستىگى مەن شىعىسىندا 15-20 م/س جىلدامدىقپەن جەل سوعادى. تۇندە وبلىستىڭ سولتۇستىگى مەن شىعىسىندا -35-39°س قاتتى اياز ساقتالادى.
قىزىلوردا وبلىسىندا ەكپىنى 23 م/س بولاتىن جەل بولادى.
ۇلىتاۋ وبلىسىنىڭ باتىسى مەن سولتۇستىگىندە جەل 15-20 م/س كۇشەيىپ, اياز قىسادى.
وڭتۇستىكتە, تۇركىستان وبلىسىنىڭ تاۋلى جانە تاۋ بوكتەرىندەگى اۋداندارىندا تۇمان تۇسەدى. تاۋلى ايماقتاردا قار جاۋادى. جەلدىڭ جىلدامدىعى سەكۋندىنا 23-28 م جەتەدى. ال شىمكەنت قالاسىندا تۇندە جانە تاڭەرتەڭ تۇمان بولادى. تۇركىستاندا جەل 15-20 م/س كۇشەيەدى.