بۇگىن كەشكى ساعات 17.37-دە اباي وبلىسىنىڭ توتەنشە جاعدايلار دەپارتامەنتى 101 پۋلتىنە وقىس وقيعا ورىن العانى تۋرالى حابارلاما ءتۇستى, دەپ حابارلايدى Egemen.kz.
سەمەي قالاسىنداعى پاۆلوۆ كوشەسىندە ورىن تەپكەن بالاباقشادا ءورت شىققان.
ءورت سوندىرۋشىلەر كەلگەننەن كەيىن بالاباقشانىڭ 2 قاباتىن اشىق جالىن شارپىعانىن انىقتادى.
- ءورت ساعات 18.05-تە وقشاۋلاندى.
قازىرگى كەزدە ءورتتىڭ شىعۋ سەبەبى انىقتالىپ جاتىر, - دەپ جازدى تجد ءباسپاسوز قىزمەتىنەن.
ءورت ورنىندا جەكە قۇرامنىڭ 37 ادامى, 9 بىرلىك تەحنيكا جۇمىس ىستەدى.