ۇلتتىق قاۋىپسىزدىك كوميتەتى تەستىلەۋ ورتالىعىنىڭ زاڭمەن قورعالاتىن اقپاراتىنا قول سۇققان قاراعاندى, وسكەمەن قالاسىنىڭ تۇرعىندارىن ۇستادى, دەپ جازادى Egemen.kz.
تەرگەۋ بارىسىندا «س», «ج» جانە «ن» ەسىمدى ازاماتتار 2023 جىلى ۇلتتىق تەستىلەۋ ورتالىعىنىڭ اقپاراتىن كوشىرگەنى انىقتالدى. ولار ۇبت سۇراقتارىنان بولەك ماگيستراتۋرا, پەداگوگتاردىڭ ءبىلىم كورسەتكىشىن باعالايتىن تەستتى دە قولدى ەتكەن.
ۇقك ءباسپاسوز قىزمەتى كۇدىكتى ازاماتتاردىڭ قىلمىسى تولىق دالەلدەنگەنىن مالىمدەدى.
«قىلمىستىق كودەكستىڭ 205-بابى 2-بولىمىمەن جانە 208-بابى 2-بولىگىمەن قاراستىرىلعان قىلمىستاردى جاساعاندارى ءۇشىن كىنالى دەپ تانىلعان «س», «ج» جانە «ن» ەسىمدى قازاقستان ازاماتتارىنا قاتىستى قاراعاندى قالاسى قازىبەك بي اۋداندىق سوتى مەن وسكەمەن قالاسى № 2 سوتىنىڭ ۇكىمدەرى زاڭدى كۇشىنە ەندى.
ولاردىڭ اربىرىنە 1 جىل باس بوستاندىعىنان شەكتەۋ جازاسى بەلگىلەندى, سونداي-اق اقپاراتتىق تەحنولوگيا جانە تەلەكوممۋنيكاتسيا جەلىلەرى سالاسىندا لاۋازىمدى قىزمەتكە تۇرۋ قۇقىقتارىنان 3 جىل مەرزىمگە ايىرىلدى», دەلىنگەن حابارلامادا.