باتىس قازاقستان وبلىسىندا پوليتسيا سۋپەرماركەتتەن 6 ميلليون تەڭگە ۇرلاعان قاراقشىنى ۇستادى, دەپ حابارلايدى Egemen.kz Polisia.kz-كە سىلتەمە جاساپ.
ءبورلى اۋداندىق پوليتسيا ءبولىمىنىڭ كريمينالدىق پوليتسيا قىزمەتكەرلەرى جەدەل ىزدەستىرىپ, 25 جاستاعى كۇدىكتىنى ۇستادى. ول اقساي قالاسىنداعى سۋپەرماركەتتەردىڭ بىرىنە قاراقشىلىق شابۋىل جاساپ, اقشا ۇرلاعان.
«كۇدىكتى ساۋدا ورنىنىڭ اكىمشىسىن اڭدىپ, اۋلاعا شىققان كەزدە ۇرىپ-سوعىپ, كىلتىن تارتىپ الىپ, دابىل سيگناليزاتسياسىن ءوشىرىپ, سۋپەرماركەتكە كىرگەن. ول جەردەن 6 ميلليون تەڭگەگە جۋىق اپتالىق تابىستى جىمقىرىپ كەتكەن», دەلىنگەن حابارلامادا.
توناۋ فاكتىسى بويىنشا قىلمىستىق ءىس قوزعالدى. تەرگەۋ امالدارى جۇرگىزىلىپ جاتىر. كۇدىكتى ۋاقىتشا ۇستاۋ يزولياتورىنا قامالدى.