بۇگىن تەمىرتاۋ قالاسى ۆاتۋتين كوشەسىندە 2 قاباتتى دۇكەن عيماراتىندا گاز جارىلدى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
ۆەدومستۆو مالىمەتىنشە وقيعا 15 اقپاندا ساعات 08:06-دا تەمىرتاۋ قالاسى ۆاتۋتين كوشەسىندە بولعان. 2 قاباتتى دۇكەن عيماراتىندا گاز جارىلعان. زەرتتەۋ جانە بارلاۋ بارىسىندا زارداپ شەككەندەردىڭ ورنالاسقان جەرى انىقتالدى.
«وقيعا ورنىندا توتەنشە جاعدايلار دەپارتامەنتىنىڭ 40 قۇتقارۋشىسى مەن 10 تەحنيكا جۇمىس ىستەپ جاتىر. ساعات 08:44-تە ءۇيىندى استىنان ايەل ادام شىعارىلدى. ول ايەلدىڭ ايتۋىنشا ءۇيىندى استىندا تاعى ءبىر ەر ادام بار. ۇيىندىلەردى تالداۋ جۇمىستارى جالعاسىپ جاتىر», دەلىنگەن تجم حابارلاماسىندا.
ساعات 09:08-دە 40 شارشى مەتر الاڭدا ءورت وقشاۋلاندى.