ۋاقىت بەلدەۋىن وزگەرتۋ ەل ازاماتتارىنا قالاي اسەر ەتەدى؟

ەسكە سالايىق, 1 ناۋرىزدان باستاپ قازاقستان بويىنشا UTC+5 بىرىڭعاي ۋاقىت بەلدەۋى ەنگىزىلەدى.

«بۇل شەشىم كۇن 12:00-دە شارىقتاۋ شەگىنە جەتكەن تابيعي ۋاقىتقا سايكەس كەلەتىن «بيولوگيالىق تۇرعىدان دۇرىس» ۋاقىت بەلدەۋىن بەلگىلەۋ ماقساتىندا قابىلداندى. بۇل ەل تۇرعىندارىنىڭ ءال-اۋقاتىنا, الماتى, استانا, قاراعاندى, شىمكەنت جانە تۇركىستان سياقتى ءىرى قالالار, اسىرەسە بالالار دەنساۋلىعىنا وڭ اسەر ەتەدى», دەلىنگەن قوعامدىق دەنساۋلىق ساقتاۋ ۇلتتىق ورتالىعى ۇسىنعان اقپاراتتا.

ماماندار تۇسىندىرگەندەي, تسيركادتىق ىرعاقتاردى تابيعي ۋاقىتپەن سينحرونداۋ ادام دەنەسىندەگى گورمونداردى ءوندىرۋ ءۇشىن وتە ماڭىزدى.

«گورموندار ۇيقىنى, وياتۋدى, بەلسەندىلىكتى جانە كۇيزەلىستى رەتتەۋدە شەشۋشى ءرول اتقارادى. بۇل پروتسەستەر گورمونداردىڭ دەڭگەيىمەن قاتاڭ باقىلانادى جانە بەلگىلى ءبىر ۇلگىلەر مەن تسيكلدەرگە يە», دەلىنگەن حابارلامادا.

ورتالىق جاڭا ۋاقىت بەلدەۋىنە بەيىمدەلۋ ءۇشىن ەل ازاماتتارىنا «ۇيىقتاۋ جانە 15-20 مينۋت ەرتە ويانۋ ۋاقىتىن بىرتىندەپ وزگەرتۋگە» كەڭەس بەرەدى.