مەملەكەت باسشىسى قاسىم-جومارت توقاەۆ Nebras Power كومپانياسى ديرەكتورلار كەڭەسىنىڭ توراعاسى مۇحاممەد ناسسەر ءال-ءحادجريدى قابىلدادى, دەپ جازادى Egemen.kz اقورداعا سىلتەمە جاساپ.
كەزدەسۋدە ەنەرگەتيكا سالاسىنداعى ىنتىماقتاستىقتىڭ پەرسپەكتيۆالارى جانە جاڭارتىلاتىن ەنەرگيا كوزدەرىنە ينۆەستيتسيا تارتۋ ماسەلەسى تالقىلاندى.
قاسىم-جومارت توقاەۆ قازاقستاننىڭ كومىرتەگى بەيتاراپتىعىنا قول جەتكىزۋگە باسا ءمان بەرەتىنىن ايتتى. وسىعان وراي مەملەكەت باسشىسى Nebras Power كومپانياسىنىڭ ەلىمىزدە جاڭارتىلاتىن ەنەرگيا كوزدەرىن دامىتۋعا قىزىعۋشىلىق تانىتىپ وتىرعانىن جوعارى باعالادى.
مۇحاممەد ناسسەر ءال-حادجري قۇرمەت كورسەتكەنى ءۇشىن قاسىم-جومارت توقاەۆقا العىس ايتتى. سونداي-اق «سامۇرىق-قازىنا» اكتسيونەرلىك قوعامىمەن بىرلەسىپ, قازاقستاندا سۋ-ەنەرگەتيكا جوباسىن جۇزەگە اسىرۋعا قاتىستى جوسپارىن جەتكىزدى. بۇگىن مۇددەلى تاراپتار اراسىندا ءتيىستى كەلىسىمگە قول قويىلدى.
سونىمەن قاتار اڭگىمەلەسۋ بارىسىندا ەنەرگەتيكا سەكتورىندا مەتان قالدىقتارىن ازايتۋ جونىندەگى ىنتىماقتاستىق ماسەلەلەرى تالقىلاندى.
پرەزيدەنت Nebras Power كومپانياسى ديرەكتورلار كەڭەسىنىڭ توراعاسىن الداعى ۋاقىتتا وتەتىن استانا حالىقارالىق فورۋمىنا قاتىسۋعا شاقىردى. جيىن اياسىندا اسا ماڭىزدى وڭىرلىك جانە جاھاندىق ماسەلەلەر تالقىلانادى.