مەملەكەت باسشىسى قاسىم-جومارت توقاەۆ Qatar Investment Authority كومپانياسىنىڭ باس اتقارۋشى ديرەكتورى مانسۋر يبراگيم ءال-ماحمۋدتى قابىلدادى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
الەمدەگى ەڭ ءىرى دەربەس قورلاردىڭ ءبىرىنىڭ باسشىسى مانسۋر يبراگيم ءال-ماحمۋدپەن كەزدەسۋ بارىسىندا بىرلەسكەن ينۆەستيتسيالىق جوبالاردى جۇزەگە اسىرۋ جانە قارجى سالاسىنداعى ىقپالداستىق ماسەلەلەرى تالقىلاندى.
قاسىم-جومارت توقاەۆ Qatar Investment Authority كومپانياسى مەن «سامۇرىق-قازىنا» قورى اراسىنداعى ءوزارا ءتيىمدى ىنتىماقتاستىق ەكى ەلدىڭ ەكونوميكالىق سەرىكتەستىگىنىڭ قوزعاۋشى كۇشى بولا الاتىنىن اتاپ ءوتتى.
مانسۋر يبراگيم ءال-ماحمۋد قازاقستاننىڭ قارجى نارىعىنا شىعۋ, سونداي-اق اگروونەركاسىپ كەشەنى ونىمدەرىن تەرەڭ وڭدەۋگە قاتىستى جوبالاردى جۇزەگە اسىرۋ جوسپارى جونىندە ايتتى.
بۇدان بولەك, كەزدەسۋدە «استانا» حالىقارالىق قارجى ورتالىعىندا قازاق-قاتار تىكەلەي ينۆەستيتسيالار قورىن قۇرۋ مۇمكىندىگى قاراستىرىلدى.
كەزدەسۋ سوڭىندا مەملەكەت باسشىسى Qatar Investment Authority كومپانياسىنىڭ باس اتقارۋشى ديرەكتورىن استانا حالىقارالىق فورۋمىنا قاتىسۋعا شاقىردى.