كەشە ش.ء ۋاليحانوۆ اتىنداعى اسكەري كوللەدجدىڭ 1-كۋرس كادەتى كوز جۇمدى. وقىس وقيعا بولعانىن قورعانىس مينيسترلىگى دە راستادى, دەپ جازادى Egemen.kz.
«1-كۋرس كادەتى تاۋلىكتىك كەزەكشىلىك مىندەتىن وتەۋگە كىرىسۋ بارىسىندا بەكىتىلگەن قارۋدان ءوز-وزىنە وق اتىپ, قايتىس بولدى. قورعانىس مينيسترلىگىنىڭ باسشىلىعى جانە اسكەري كوللەدجدىڭ جەكە قۇرامى كادەتتىڭ وتباسى مەن جاقىندارىنا قايعىسىنا ورتاقتاسىپ كوڭىل ايتادى», دەلىنگەن حابارلامادا.
قازىرگى ۋاقىتتا وقيعانىڭ ءمان-جايى انىقتالىپ, اتالعان فاكت بويىنشا قىلمىستىق ءىس قوزعالدى.