استانا قالاسىنىڭ پروكۋراتۋراسى مەكەمە يەلەرىن الداپ, اقشاسىن قۇمار ويىندارعا سالعان الاياق بۋحگالتەردى انىقتاپ, جاۋاپكەرشىلىككە تارتتى, دەپ جازادى Egemen.kz.
«ۇستالعان ايەل جشس-نىڭ بۋحگالتەرى بولا وتىرىپ, مەكەمە يەلەرىنە شەتەلگە ءتيىمدى ينۆەستيتسيالار سالۋ تۋرالى جالعان اقپارات ايتىپ, ولاردى الداۋ ارقىلى 385,9 ملن تەڭگەدەن استام قاراجاتىن يەمدەنگەن. سوتتالعان ادام ۇرلانعان اقشانىڭ باسىم بولىگىن كازينوعا جۇمساپ ۇتىلعان», دەپ حابارلادى قالالىق پروكۋراتۋرانىڭ ءباسپاسوز قىزمەتى.
مەملەكەتتىك ايىپتاۋشى سوت الدىندا سوتتالۋشىنىڭ كىناسىن دالەلدەدى. كىنالى 5 جىلعا باس بوستاندىعىنان ايرىلدى.
سوت ۇكىمى زاڭدى كۇشىنە ەندى.