اقىن, ايتىستىڭ ۇيىمداستىرۋشىسى ء جۇرسىن ەرمان بۇگىن 73 جاسقا تولدى. «Qazaqstan» ۇلتتىق ارناسىنداعى «تاڭشولپان» باعدارلاماسىندا اقىن ءار مۇشەلگە كىرگەن كەزدەگى وقيعاسىن ايتتى, دەپ جازادى Egemen.kz.
«قازاقتىڭ مۇشەل دەيتىن ىرىمى بار. 13 جاستاعى وقىس وقيعا ەسىمدە جوق. 25 جاسقا كەلگەنىمدە اتتىڭ ۇستىندە وتىرعانىمدا قويشىنىڭ قۇتىرعان ءيتى قاپتى. 37 جاسىمدا قولىمدى سىندىرىپ الدىم, 49 مۇشەلىمدە شەشەمنەن ايىرىلدىم. 61 جاسىمدا اۋرۋ اينالدىرا باستادى, جۇرەك, باۋىر سىر بەردى دەگەندەي. بۇگىن التىنشى مۇشەلگە ەندىم. وسىدان امان-ەسەن وتسەم, تاعى دا جۇرە تۇرام با دەپ ويلايمىن.
تۋعان كۇن - وتباسىلىق مەرەكە. ەكى-ءۇش جىلدان بەرى سىرقاتتانىپ ارباعا تاڭىلدىم. شۇكىرشىلىك دەيمىن, اربانى تاستاپ تاياققا سۇيەنىپ جۇرەتىن بولدىم. جان-جاقتاعى اعايىن-تۋىس, دوستارىم قۇتتىقتاپ كەلىپ جاتىر», دەدى ءجۇرسىن ەرمان.
اقىن سىرقاتىنا شيپا سۇراعان كوپشىلىكتىڭ دۇعاسى قابىل بولعانىن ايتتى.