قاسىم-جومارت توقاەۆ يلحام اليەۆتى ازەربايجان رەسپۋبليكاسىنىڭ پرەزيدەنتى لاۋازىمىنا كەزەكتەن تىس وتكەن سايلاۋداعى ايقىن جەڭىسىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى سايلاۋداعى داۋىس بەرۋ قورىتىندىسى يلحام اليەۆتىڭ ازەربايجاندى ودان ءارى نىعايتۋعا, ەلدىڭ الەۋمەتتىك-ەكونوميكالىق ءال-اۋقاتىن قامتاماسىز ەتۋگە جانە مەملەكەتتىڭ حالىقارالىق ارەناداعى بەدەلىن ارتتىرۋعا باعىتتالعان ستراتەگيالىق باعدارى مەن اۋقىمدى رەفورمالارى بۇكىلحالىقتىق قولداۋعا يە بولعانىن انىق كورسەتكەنىن اتاپ ءوتتى.
قاسىم-جومارت توقاەۆ يلحام اليەۆتىڭ ازەربايجان حالقىنىڭ يگىلىگى مەن دامۋى ءۇشىن قولعا العان بارلىق جوسپارىنىڭ تابىستى ورىندالۋىنا تىلەكتەستىك ءبىلدىردى.
ءوز كەزەگىندە ازەربايجان پرەزيدەنتى قۇتتىقتاعانى ءۇشىن قاسىم-جومارت توقاەۆقا العىس ايتىپ, باۋىرلاس قازاقستانمەن اراداعى عاسىرلار بويى قالىپتاسقان دوستىق, ستراتەگيالىق سەرىكتەستىك جانە وداقتاستىق رۋحىنداعى ىنتىماقتاستىقتى ودان ءارى تەرەڭدەتە بەرۋگە نيەتتى ەكەنىن راستادى.