7 اقپاندا تۇركىستان قالاسىنداعى جالدامالى پاتەرلەردىڭ بىرىنەن ەكى جاس بالانىڭ دەنەسى تابىلدى, دەپ حابارلايدى Egemen.kz.
بۇل تۋرالى تۇركىستان وبلىسى پوليتسيا دەپارتامەنتىنىڭ باسشىسى مۇرات قابدەنوۆ حابارلادى. ونىڭ ايتۋىنشا, بالالاردىڭ اناسى قۇربىسىنا تەلەفون سوعىپ, ەكى بالاسى ءولىپ جاتقان پاتەردىڭ مەكەن-جايىن ايتقان.
- قازىرگى ۋاقىتتا بولعان وقيعانىڭ بارلىق ءمان-جايىن انىقتاۋ جانە بالالاردىڭ قايتىس بولعانى مەن ولاردىڭ مەكەن-جايى تۋرالى قۇربىسىنا حابارلاعان انانىڭ, ياعني قىزىلوردا وبلىسى تۇرعىنىنىڭ ورنالاسقان جەرىن انىقتاۋ ماقساتىندا قاجەتتى جەدەل-تەرگەۋ شارالارى جۇرگىزىلۋدە”,-دەيدى قابدەنوۆ.
وقيعاعا قاتىستى قىلمىستىق ءىس قوزعالدى. ءولىمنىڭ سەبەبىن انىقتاۋ ءۇشىن بالالاردىڭ دەنەسى ساراپتاماعا جىبەرىلگەن.