• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
تاعايىنداۋ 06 اقپان, 2024

سۆەتلانا جاقىپوۆا مينيسترلەر كابينەتىندە قالدى

261 رەت
كورسەتىلدى

مەملەكەت باسشىسىنىڭ جارلىعىمەن سۆەتلانا قابىكەنقىزى جاقىپوۆا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى لاۋازىمىنا تاعايىندالدى. بۇل تۋرالى اقوردا ءباسپاسوز قىزمەتى ءمالىم ەتتى, دەپ جازادى Egemen.kz.

سۆەتلانا جاقىپوۆا 1968 جىلى قاراعاندى وبلىسىندا دۇنيەگە كەلگەن. 

تسەلينوگراد مەملەكەتتىك پەداگوگيكالىق ينستيتۋتىن, الماتى ەكونوميكا جانە ستاتيستيكا اكادەمياسىن بىتىرگەن.

ەڭبەك جولىن 1984 جىلى قاراعاندى وبلىسى قاروي ورتا مەكتەبىنىڭ مۇعالىمى بولىپ باستاعان. 

1991-1995 جىلدارى تسەلينوگراد قالاسىنداعى ورتا مەكتەپتە ماتەماتيكا ءپانىنىڭ مۇعالىمى بولىپ ەڭبەك ەتكەن. 

1997-2008 جىلدارى «زەينەتاقى تولەۋ جونىندەگى ورتالىعى» رمقك اقمولا وبلىستىق فيليالىندا اعا مامان, باس مامان, ءبولىم باستىعى, ديرەكتوردىڭ ورىنباسارى, ديرەكتور قىزمەتتەرىندە جۇمىس ىستەگەن. 

2008-2011 جىلدار ارالىعىندا ەحاقم الەۋمەتتىك قورعاۋ جانە الەۋمەتتىك ساقتاندىرۋ دەپارتامەنتىنىڭ ديرەكتورى بولعان. 

2011-2013 جىلدارى «ۇلتتىق اقپاراتتىق تەحنولوگيالار» اق جوبالىق كەڭسەسى باعدارلاماسىن باسقارعان. 

2013-2019 جىلدارى ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى بولعان.

2020 جىلى ەحاقم مەملەكەتتىك الەۋمەتتىك ساقتاندىرۋ قورى باس ديرەكتورىنىڭ ورىنباسارى بولىپ تاعايىندالدى. 

2020-2023 جىلدار ارالىعىندا بۇۇ دامۋ باعدارلاماسىنىڭ الەۋمەتتىك دامۋ ماسەلەلەرى جونىندەگى ۇلتتىق ساراپشىسى بولدى.

2023 جىلعى ماۋسىمنان باستاپ – قازاقستان رەسپۋبليكاسى پرەزيدەنتى جانىنداعى حالىقتىڭ الەۋمەتتىك جاعىنان وسال ساناتتارىنىڭ قۇقىقتارى جونىندەگى ۋاكىل.

2023 جىلعى 2 قىركۇيەكتە قازاقستان رەسپۋبليكاسى پرەزيدەنتىنىڭ جارلىعىمەن ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى.

2024 جىلعى 6 اقپاندا مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى.

سوڭعى جاڭالىقتار