مەملەكەت باسشىسى قاسىم-جومارت توقاەۆتىڭ جارلىعىمەن مارات قاراباەۆ قر كولىك ءمينيسترى لاۋازىمىندا قالىپ, قىزمەتىن ءارى قاراي جالعاستىرادى, دەپ جازادى Egemen.kz اقورداعا سىلتەمە جاساپ.
مارات قاراباەۆ 1987 جىلعى 4 شىلدەدە دۇنيەگە كەلگەن.
2008 جىلى تاشكەنت اۆتوموبيل-جول ينستيتۋتىن عيماراتتار مەن قۇرىلىستار سالۋ ماماندىعى بويىنشا, 2010 جىلى ۋورۆيك ۋنيۆەرسيتەتىن ( ۇلىبريتانيا) وندىرىستىك-جۇيەلىك ينجەنەريا ماماندىعى بويىنشا, 2015 جىلى م.ح. دۋلاتي اتىنداعى تاراز مەملەكەتتىك ۋنيۆەرسيتەتىن ەكونوميكا ماماندىعى بويىنشا تامامداعان.
ەڭبەك جولىن 2011 جىلى قر اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ تاعىلىمدامادان ءوتۋشىسى, ساراپشىسى بولىپ باستادى.
2011 جىلعى تامىزدان 2013 جىلعى ناۋرىزعا دەيىن – قر يندۋستريا جانە جاڭا تەحنولوگيالار مينيسترلىگى تەحنولوگيالار جانە ەنەرگيا ۇنەمدەۋ دەپارتامەنتىنىڭ ساراپشىسى, باس ساراپشىسى.
2013 جىلعى ناۋرىزدان قاراشاعا دەيىن – قر كولىك جانە كوممۋنيكاتسيا مينيسترلىگى ترانزيت جانە كولىك لوگيستيكاcى دەپارتامەنتى ترانزيت ساياساتى باسقارماسىنىڭ باسشىسى.
2013 جىلعى قاراشادان 2014 جىلعى ماۋسىمعا دەيىن – وقو اكىمدىگى جانىنداعى «ماكسيمۋم» وڭىرلىك ينۆەستيتسيالىق ورتالىعى» جشس باسقارما توراعاسىنىڭ كەڭەسشىسى.
2014 جىلعى ماۋسىمنان 2015 جىلعى قازانعا دەيىن – وڭتۇستىك قازاقستان وبلىسى كاسىپكەرلىك, يندۋستريالىق-يننوۆاتسيالىق دامۋ جانە تۋريزم باسقارماسى باسشىسىنىڭ ورىنباسارى.
2015 جىلعى قاراشادان 2017 جىلعى ناۋرىزعا دەيىن – وڭتۇستىك قازاقستان وبلىسى كاسىپكەرلىك, يندۋستريالىق-يننوۆاتسيالىق دامۋ جانە تۋريزم باسقارماسىنىڭ باسشىسى.
2018 جىلعى مامىردان 2020 جىلعى شىلدەگە دەيىن قر يندۋستريا جانە ينفراقۇرىلىمدىق دامۋ مينيسترلىگى قورعانىس ونەركاسىبى كەشەنىن دامىتۋ دەپارتامەنتىنىڭ ديرەكتورى, 2019 جىلعى ماۋسىمدا دەپارتامەنت فۋنكتسيالارى تسيفرلىق دامۋ, قورعانىس جانە اەروعارىش ونەركاسىبى مينيسترلىگىنەن بەرىلدى.
2020 جىلعى شىلدەدەن 2021 جىلعى شىلدەگە دەيىن – قر يدم يندۋستريالىق دامۋ كوميتەتىنىڭ توراعاسى.
2021 جىلعى شىلدەدەن 2023 جىلعى قاڭتارعا دەيىن – قر يندۋستريا جانە ينفراقۇرىلىمدىق دامۋ ۆيتسە-ءمينيسترى.
قر پرەزيدەنتىنىڭ 2023 جىلعى 4 قاڭتارداعى جارلىعىمەن قر يندۋستريا جانە ينفراقۇرىلىمدىق دامۋ ءمينيسترى بولىپ تاعايىندالدى.
2023 جىلعى 4 ساۋىردە قر پرەزيدەنتىنىڭ جارلىعىمەن قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى بولىپ قايتا تاعايىندالدى.