ۇكىمەتتەگى اۋىس-ءتۇيىس: ساتقاليەۆ قىزمەتىندە قالدى

«مەملەكەت باسشىسىنىڭ جارلىعىمەن الماسادام مايدان ۇلى ساتقاليەۆ قازاقستان رەسپۋبليكاسىنىڭ ەنەرگەتيكا ءمينيسترى لاۋازىمىنا تاعايىندالدى», دەلىنگەن اقوردا حابارلاماسىندا.

الماسادام ساتقاليەۆ 1970 جىلى الماتى قالاسىندا دۇنيەگە كەلگەن.

ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن, نازارباەۆ ۋنيۆەرسيتەتىنىڭ جوعارى بيزنەس مەكتەبىن, ستەنفورد ۋنيۆەرسيتەتىنىڭ جوعارى بيزنەس مەكتەبىن بىتىرگەن.

ەڭبەك جولىن 1992 جىلى جەكە سەكتوردا باستاعان. 

1997-2001 جىلدارى «قازترانسويل» ۇلتتىق كومپانياسىنىڭ مەنەدجەرى, دەپارتامەنت باستىعى, باسقارۋشى ديرەكتورى, ۆيتسە-پرەزيدەنتى بولىپ جۇمىس ىستەدى.

2001-2006 جىلدارى «KEGOC» اق قارجى ديرەكتورى, ۆيتسە-پرەزيدەنتى, ءبىرىنشى ۆيتسە-پرەزيدەنتى بولدى.

2006-2007 جىلدارى «KEGOC» اق بويىنشا توپ جەتەكشىسى, «سامۇرىق» اق ەلەكترو-ەنەرگەتيكالىق اكتيۆتەردى باسقارۋ جونىندەگى ديرەكتورى بولىپ جۇمىس ىستەدى. 

2007 جىلى قازاقستان رەسپۋبليكاسى ەنەرگەتيكا جانە مينەرالدىق رەسۋرستار ءمينيسترىنىڭ ورىنباسارى لاۋازىمىنا تاعايىندالدى.

2007-2011 جىلدارى «KEGOC» ەلەكتر جەلىلەرىن باسقارۋ جونىندەگى قازاقستاندىق كومپانيا» اق تۇڭعىش ۆيتسە-پرەزيدەنتى, پرەزيدەنتى, باسقارما توراعاسى, پرەزيدەنتى بولدى.

2011-2012 جىلدارى «سامۇرىق-قازىنا» اق باسقارۋشى ديرەكتورى قىزمەتىن اتقاردى.

2012-2018 جىلدارى – «سامۇرىق-ەنەرگو» اق باسقارما توراعاسى.

2018-2021 جىلدارى «KazEnergy» زتب توراعاسىنىڭ ورىنباسارى, «سامۇرىق-قازىنا» اق اكتيۆتەردى باسقارۋ بويىنشا باسقارۋشى ديرەكتورى قىزمەتتەرىن اتقاردى.

2021 جىلعى ناۋرىزدان 2023 جىلعى ساۋىرگە دەيىن – «سامۇرىق-ەنەرگو» ۇاق» اق باسقارما توراعاسى.

2023 جىلدىڭ 4 ساۋىرىندە قازاقستان رەسپۋبليكاسىنىڭ ەنەرگەتيكا ءمينيسترى لاۋازىمىنا تاعايىندالدى.