كەشە الەۋمەتتىك جەلىدە استاناداعى تۇرعىن ءۇي كەشەندەرىنىڭ بىرىندە بەلگىسىز ەر ادامنىڭ ەكى بالانى سوققىعا جىققان ۆيدەوسى تارادى. وقيعاعا قاتىستى قالالىق پوليتسيا دەپارتامەنتى تۇسىنىك بەردى, دەپ جازادى Egemen.kz.
ۆيدەودان ەر ادامنىڭ ءبىر بالانى سوققىعا جىعىپ, ەكىنشىسىن قىلعىندىرعانىن بايقاۋعا بولادى. جەلى قولدانۋشىلارى وقيعا «ەدەم پالاس-2» تۇرعىن ءۇي كەشەنىندە بولعانىن جازدى.
ال پوليتسيا بۇزاقىنىڭ قولعا تۇسكەنىن حابارلادى.
«بايقوڭىر اۋداندىق پوليتسيا باسقارماسى «ەدەم پالاس-2» تۇرعىن ءۇيىنىڭ 30 جاستاعى تۇرعىنىن انىقتاپ, ۇستادى. بۇزاقىلىق بابىمەن قىلمىستىق ءىس قوزعالدى. سوتقا دەيىنگى تەرگەۋ امالدارى جۇرگىزىلىپ جاتىر», دەلىنگەن پوليتسيا مالىمدەمەسىندە.