«Digital Almaty» فورۋم كورمەسىندە ەاەو ەلدەرىنىڭ ۇكىمەت باسشىلارىنا قازاقستان كومپانيالارىنىڭ تسيفرلاندىرۋ سالاسىنداعى جەتىستىكتەرى كورسەتىلدى, دەپ جازادى Egemen.kz.
كورمەگە 300-دەن استام وتاندىق جانە حالىقارالىق IT-كومپانيالاردىڭ, سونداي-اق GovTech, AgroTech, Industry 4.0, ESG, Smart City جانە ت.ب. تسيفرلاندىرۋ سالالارىنداعى مەملەكەتتىك ورگانداردىڭ جوبالارى ۇسىنىلدى.
ۇكىمەت باسشىلارىنا Qaztech پلاتفورماسى ۇسىنىلدى – ول قازاقستاننىڭ مەملەكەتتىك اقپاراتتىق جۇيەلەرىندەگى بىرىڭعاي ستاندارتتاردى ساقتاۋدى قامتاماسىز ەتەدى جانە كاسىپكەرلىك قىزمەتتى «نولدەن باستاپ» رەتتەۋدىڭ تسيفرلىق نەگىزى», دەپ اتاپ ءوتتى ۇكىمەتتىڭ ءباسپاسوز قىزمەتى.
سونداي-اق فورۋمنىڭ جەكەلەگەن قاتىسۋشىلارىنا الماتى قالاسىنىڭ تسيفرلىق قىزمەتتەرى مەن يندۋستريا 4.0 جوبالارىن تاۋ-كەن-مەتاللۋرگيا كەشەنىندە, ونەركاسىپ پەن ەنەرگەتيكادا, ونىڭ ىشىندە مەملەكەتتىك قولداۋ قۇرالدارى ارقىلى ىسكە اسىرۋ ناتيجەلەرى كورسەتىلدى.
ۇكىمەت باسشىلارىنا بولەك Minerals.gov.kz جەر قويناۋىن پايدالانۋشىلارعا ارنالعان بىرىڭعاي پلاتفورما ۇسىنىلدى. ول پايدالى قازبالاردى بارلاۋ مەن وندىرۋگە ليتسەنزيا الۋ پروتسەسىن جەڭىلدەتەدى جانە جەدەلدەتەدى.
«بۇل پلاتفورمادا الەۋەتتى ينۆەستورلار ينفراقۇرىلىمنان باستاپ اۋماقتى گەولوگيالىق بارلاۋ تۋرالى ەسەپتەرگە دەيىن سۇرالعان اۋماقتىڭ تولىق بەينەسىن الا الادى», دەپ اتاپ ءوتتى ۇكىمەتتىڭ ءباسپاسوز قىزمەتى. مۇندا ەسق كىلتى ارقىلى سايكەس ءوتىنىمدى جىبەرۋگە بولادى.
قازاقستانداعى ىزدەۋدى دامىتۋ بويىنشا ياندەكس كومپانياسىنىڭ ديرەكتورى الەكساندر پوپوۆسكي ۇكىمەت باسشىلارىنا قازاقستاندا حالىق پەن بيزنەسكە ارنالعان 10-نان استام قىزمەت جۇمىس ىستەيتىنىن ايتتى.
2023 جىلى كومپانيا تومەندەگى جوبالاردى جۇزەگە اسىردى.
قازاق تىلىندەگى «كارتا»,
ءموبيلدى براۋزەردە جانە قوسىمشادا قازاق تىلىندە «اليسا» قىزمەتى,
ياندەكس براۋزەرىندە بەينەلەردى قازاق تىلىنە اۋدارۋ,
قازاقشا ىزدەۋدە جىلدام جاۋاپتار.