ۋكراينا تاراپىنىڭ باستاماسى بويىنشا قاسىم-جومارت توقاەۆ ۆلاديمير زەلەنسكيمەن تەلەفون ارقىلى سويلەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
اڭگىمەلەسۋ بارىسىندا ۋكراينا پرەزيدەنتى قازاقستاننىڭ قوعامدىق ۇيىمدارى ارقىلى ەلىنە كورسەتىلگەن گۋمانيتارلىق كومەگى ءۇشىن مەملەكەت باسشىسى قاسىم-جومارت توقاەۆقا ريزاشىلىعىن ءبىلدىردى. سونداي-اق تاياۋدا داۆوستا (شۆەيتساريا) 80-نەن استام ەلدىڭ وكىلدەرى قاتىسقان «بەيبىتشىلىك فورمۋلاسى» اتتى كەزدەسۋدىڭ قورىتىندىسى جانە شۆەيتساريادا وتەتىن كەزەكتى جاھاندىق سامميتكە دايىندىق بارىسى جونىندە جان-جاقتى مالىمەت بەردى.
سونىمەن قاتار مەملەكەتتەر باسشىلارى قازاقستان مەن ۋكراينا اراسىنداعى گۋمانيتارلىق, ساۋدا-ەكونوميكالىق بايلانىستاردى دامىتۋ ماسەلەلەرىن تالقىلادى.