قاراعاندىدا جەدەل جاردەم كولىگىنىڭ جۇرگىزۋشىسىن سوققىعا جىققان ەر ادامنىڭ بەينەجازباسى تارالىپ, قوعامنىڭ قىزۋ تالقىسىنا تۇسكەن بولاتىن. كۇدىكتىنىڭ كەشىرىم سۇراعان بەينە ۇندەۋىنەن كەيىن جابىرلەنۋشى, جەدەل جاردەم جۇرگىزۋشىسى دە ءۇن قاتتى, دەپ جازادى Egemen.kz.
«مەن ونى سوتقا سۇيرەمەيمىن. مەن جايلى قاتە پىكىر ايتۋشىلار بار. تيك-توك الەۋمەتتىك جەلىسىن ءبىر جارىم جىلدان بەرى جۇرگىزەمىن. جەدەل جاردەم جۇرگىزۋشىسى قىزمەتىنە قوسا اكتەرمىن. «حايپ ءۇشىن سويىلعا جىعىلدى» دەپ ايىپتاۋشىلار بار. مەن ەشقانداي پايدا كورەيىن دەپ وتىرعام جوق. اللا ءبارىن كەشىرەدى, قانداي قاتەلىك جاساساڭ دا كەشىرىمى بولادى. مەن جاي عانا اللانىڭ پەندەسى, ق ۇلىمىن. سوندىقتان ءبىز دە كەشىرەمىز», دەدى جابىرلەنۋشى تورەعالي بەرىكقالي ۇلى.
27 قاڭتاردىڭ تۇنىندە شاقىرتۋ بويىنشا ناۋقاسقا بارعان جەدەل جاردەم كولىگىنىڭ جۇرگىزۋشىسىن سويىلداعان كۇدىكتى كوپ وتپەي ۇستالىپ, ۋاقىتشا ۇستاۋ يزولياتورىنا قامالعان بولاتىن.