يتاليانىڭ مارتەل قالاسىندا پارا شاڭعى مەن پارا بياتلوننان ءوتىپ جاتقان الەم كۋبوگىنىڭ ەكىنشى كەزەڭىندە قازاقستان سپورتشىسى بياتلوننان قولا جۇلدەگە قول جەتكىزدى, دەپ حابارلايدى Egemen.kz.
ۇلتتىق پاراليمپيادا كوميتەتىنىڭ ءباسپاسوز قىزمەتى وتانداسىمىز ەربول حاميتوۆتىڭ پارا بياتلوننان 7,5 كم قاشىقتىقتى 22:02.5 سەكۋندتا ءجۇرىپ ءوتىپ, ۇزدىك ۇشتىككە ىلىككەنىن ءمالىم قىلدى.
ايتا كەتسەك, الەم كۋبوگىنىڭ ەكىنشى كەزەڭى 31 قاڭتار – 4 اقپان كۇندەرى ارالىعىندا وتەدى. اتالعان جارىسقا 18 ەلدەن كەلگەن 160-تان استام سپورتشىنىڭ اراسىندا قازاقستان قۇراماسىنىڭ 7 وكىلى بار.