قىزىلوردا وبلىسىنا قاراستى سىرداريا اۋدانىنىڭ جاس تۇرعىنى, 11-سىنىپتا وقيتىن اسىلجان ابدۋللاەۆ جاساندى ينتەللەكتىنى العاش بولىپ قازاقشا سويلەتكەنىن عىلىم جانە جوعارى ءبىلىم ءمينيسترى ساياسات نۇربەك ۆەدومستۆونىڭ تەلەگرام ارناسىندا حابارلادى, دەپ جازادى Egemen.kz.
ۆەدومستۆو باسشىسىنىڭ مالىمدەۋىنشە, ونەرتاپقىشتىڭ ويلاپ تاپقان QazaqGPT باعدارلاماسىن وسى كۇنگە دەيىن 2000-نان استام ادام قولدانىپ ۇلگەرگەن. جاس عالىمنىڭ اتالعان جوباسىنا امەريكالىق عالىمدار قىزىعۋشىلىق ءبىلدىرىپ, ونى بىرلەسە جۇمىس جاساۋعا شاقىرىپ وتىر. اسىلجان جي-ءدى قازاق تىلىنە قولايلى ەتۋ ءۇشىن, باعدارلاماعا 300 000 استام انا تىلىمىزدەگى ءسوز بەن 227 ملرد-قا جۋىق اقپارات ەنگىزگەن. بۇل – ىرگەلى دە, ءىرى جەتىستىك. مەكتەپتى ەندى تامامداعالى وتىرعان جاس ونەرتاپقىشقا ەلىمىزدەگى ەڭ ءىرى 3 جوو ءبىلىم گرانتىن ۇسىنعان.
اسىلجان ابدۋللاەۆتىڭ ماقساتى – قازاقشا جي جوباسىن ودان ءارى جەتىلدىرىپ, سمارتفون باعدارلاماسىنا ەنگىزۋ ەكەندىگىن, ۆەدومستۆو جاس تالانتتى عالىمداردى قاشاندا قولداۋعا ءازىر ەكەندىگىن جەتكىزگەن مينيستر: «مەملەكەت باسشىسى «ۇكىمەت جاساندى ينتەللەكتىنى دامىتۋ ىسىنە باسا نازار اۋدارۋعا ءتيىس. الەمدە الداعى بىرنەشە جىلدا وسى سالاعا ءبىر تريلليون دوللاردان استام ينۆەستيتسيا سالىنادى دەگەن بولجام بار. جاساندى ينتەللەكت ونى دامىتا بىلگەن ەلدەردىڭ ىشكى جالپى ونىمىنە ايتارلىقتاي ۇلەس قوسۋى مۇمكىن. جاساندى ينتەللەكتىنىڭ مۇمكىندىكتەرىن تولىق پايدالانساق, ءبىلىم ەكونوميكاسىنا تىڭ سەرپىن بەرەمىز. جەتەكشى حالىقارالىق كومپانيالارمەن ىنتىماقتاستىق ورناتۋ كەرەك. بىلىكتى ماماندار دايارلاۋىمىز قاجەت. كەمىندە ءۇش بەلگىلى جوعارى وقۋ ورنى جاساندى ينتەللەكت سالاسىنا قاجەتتى كادر دايارلاۋمەن جانە زەرتتەۋلەر جۇرگىزۋمەن اينالىسۋى كەرەك», دەگەن ەدى. مەملەكەت باسشىسىنىڭ تاپسىرماسى اياسىندا وسىنداي يگىلىكتى دۇنيەلەردىڭ اشىلىپ جاتقاندىعى شىن مانىندە ءبىز ءۇشىن زور جەتىستىك ءھام ۇلكەن ماقتانىش», دەدى.