كورەيانىڭ KEPCO ەلەكتر ەنەرگەتيكالىق كورپوراتسياسى توپار, استانا, پاۆلودار, الماتى جىلۋ ەلەكتر ورتالىقتارىنا تەكسەرۋ جۇمىستارىن جۇرگىزەدى, دەپ حابارلايدى Egemen.kz ەنەرگەتيكا مينيسترلىگىنىڭ ءباسپاسوز قىزمەتىنە سىلتەمە جاساپ.
سارسەنبى كۇنى قر ەنەرگەتيكا ءمينيسترى الماسادام ساتقاليەۆ كورەيانىڭ KEPCO جانە DOOSAN ENERBILITY ەلەكتر ەنەرگەتيكالىق كورپوراتسيالارىنىڭ ۆيتسە-پرەزيدەنتتەرى شين دجونگ-گەن جانە يانگ يۋن-ح مىرزامەن, سونداي-اق قازاقستاننىڭ باسقا دا وكىلدەرىمەن كەزدەسۋ وتكىزدى. تاراپتار الداعى ۋاقىتتا ينۆەستيتسيا تارتۋ ماقساتىندا قازاقستانداعى بىرنەشە ەلەكتر ستانتسيالارىنىڭ جاعدايىن تەكسەرۋ ماسەلەسىن تالقىلادى.
جوسپارعا سايكەس, KEPCO كومپانياسى توپار گرەس, استانا, پاۆلودار, الماتى قالالارىنىڭ جىلۋ ەلەكتر ستانتسيالارىنا پيلوتتىق زەرتتەۋ جۇرگىزەدى.
«ساۋالناما ناتيجەلەرى بويىنشا ستانسالاردى ودان ءارى پايدالانۋ, ولاردىڭ ەكولوگيالىق كورسەتكىشتەرىن جاڭعىرتۋ جانە جاقسارتۋ پەرسپەكتيۆالارى بويىنشا سىزدەن ساراپتامالىق باعا كۇتەمىز», دەپ اتاپ ءوتتى وتىرىس بارىسىندا قر ەنەرگەتيكا ءمينيسترى.
الماسادام ساتقاليەۆ ساراپتاما كەزىندە مينيسترلىك كومپانيالارعا قولداۋ كورسەتەتىن ايتتى.