وڭتۇستىك كورەيادا ءوتىپ جاتقان IV قىسقى جاسوسپىرىمدەر وليمپياداسىندا ەلوردالىق سپورتشىلار العاشقى قارسىلاسىن جەڭدى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
كەرلينگتەن قىسقى جاسوسپىرىمدەر وليمپياداسىندا ءبىرىنشى رەت ونەر كورسەتكەن جەرلەستەرىمىز توپتىق كەزەڭدە ءىرى جەڭىسكە قول جەتكىزدى.
ارالاس جۇپتىق باسەكەدە ونەر كورسەتكەن اپكەلى-ءىنىلى مەرەي مەن يبراگيم تاستەمىرلەر يتاليا ەلىنىڭ سپورتشىلارىن ايقىن باسىمدىقپەن ۇتتى. ەسەپ: 10:2.
ەندى ەرتەڭ استانا ۋاقىتى بويىنشا 09:30-دا قۇرامامىز شەشۋشى ويىندى دانياعا قارسى وتكىزەدى.
IV قىسقى جاسوسپىرىمدەر وليمپياداسى 1 اقپان كۇنى مارەسىنە جەتەدى.