پرەمەر-مينيستر ءاليحان سمايىلوۆ «ورتالىق اتقارۋشى ورگاندار باسشىلارىنىڭ حالىقپەن كەزدەسۋلەرىن وتكىزۋ تۋرالى» قاۋلىعا قول قويدى, دەپ حابارلايدى Egemen.kz.
قازاقستان قوعامىن ودان ءارى دەموكراتيالاندىرۋ, ەلدە جۇرگىزىلىپ جاتقان رەفورمالار تۋرالى حالىقتىڭ حاباردار بولۋىن ارتتىرۋ, اتقارۋشى ورگانداردىڭ حالىق الدىنداعى جاۋاپكەرشىلىگى مەن ەسەپتىلىگىن كۇشەيتۋ, حالىقتى مەملەكەتتىك باسقارۋ پروتسەسىنە كەڭىنەن تارتۋ ماقساتىندا ۇكىمەت قاۋلى قابىلدادى.
ورتالىق اتقارۋشى ورگاندار (قازاقستان رەسپۋبليكاسىنىڭ قورعانىس, سىرتقى ىستەر, توتەنشە جاعدايلار, ىشكى ىستەر, ادىلەت مينيسترلىكتەرىن قوسپاعاندا):
- جەرگىلىكتى اتقارۋشى ورگاندارمەن كەلىسۋ بويىنشا ءبىرىنشى باسشىلار ءۇشىن توقسانىنا ءبىر رەتتەن كەم بولمايتىن كەزەڭدىلىكپەن جىل بويى حالىقپەن تۇراقتى كەزدەسۋ وتكىزىپ تۇرسىن;
- حالىقپەن كەزدەسۋ وتكىزۋ ءۇشىن ءوڭىردى تاڭداعان كەزدە سالالىق پروبلەمالار مەن جەرگىلىكتى جەرلەردە كوتەرىلەتىن ماسەلەلەردى ەسكەرسىن;
- الەۋمەتتىك شيەلەنىس قاۋپى بولجانسا نە تۋىنداسا, ءبىرىنشى باسشىلاردىڭ وسى ءوڭىردىڭ تۇرعىندارىمەن مىندەتتى تۇردە گرافيكتەن تىس كەزدەسۋلەر وتكىزۋىن قامتاماسىز ەتسىن;
- توقسان سايىن, ەسەپتى كەزەڭنەن كەيىنگى ايدىڭ 10-شى كۇنىنەن كەشىكتىرمەي, اقپاراتقا قول جەتكىزۋ سالاسىنداعى ۋاكىلەتتى ورگانعا وتكىزىلگەن كەزدەسۋلەر بويىنشا جالپىلانعان اقپارات جىبەرىپ تۇرسىن.
استانا, الماتى, شىمكەنت قالالارى مەن وبلىستاردىڭ اكىمدىكتەرى كەزدەسۋلەر وتكىزۋدى ۇيىمداستىرۋدا ورتالىق اتقارۋشى ورگاندارعا ۇيىمداستىرۋشىلىق, اقپاراتتىق جانە تەحنيكالىق قولداۋ كورسەتسىن.
اقپاراتقا قول جەتكىزۋ سالاسىنداعى ۋاكىلەتتى ورگان:
- جارتى جىلدا ءبىر رەت, 15 جەلتوقسان مەن 15 ماۋسىمعا دەيىن ورتالىق اتقارۋشى ورگاندارمەن كەلىسۋ بويىنشا حالىقپەن كەزدەسۋلەردىڭ الداعى جارتىجىلدىققا ارنالعان گرافيگىنىڭ جوباسىن بەكىتۋ ءۇشىن قازاقستان رەسپۋبليكاسىنىڭ ۇكىمەتىنە ەنگىزۋدى;
- حالىقپەن كەزدەسۋلەر وتكىزۋ ءتارتىبىن بەكىتۋدى جانە ورتالىق اتقارۋشى ورگانداردىڭ نازارىنا جەتكىزۋدى;
- جارتى جىلدا ءبىر رەت, 15 ماۋسىم مەن 15 جەلتوقسانعا دەيىن ورتالىق اتقارۋشى ورگاندار باسشىلارىنىڭ كەزدەسۋ وتكىزۋىنىڭ قورىتىندىلارى تۋرالى اقپاراتتى قازاقستان رەسپۋبليكاسى ۇكىمەتىنىڭ اپپاراتىنا ەنگىزۋدى قامتاماسىز ەتسىن.